2255

Jasóspіrіmderdі zorlaý týraly aıyp: Ismatýlla Maqsumǵa qatysty tergeý bastaldy

«Taqsyr» atanyp aty shyqqan Ismatýlla Maqsumnyń qaýymynda bolǵan jіgіtter jasóspіrіmderdіń zorlyq kórgenі týraly málіmdegen edі.

Жасөспірімдерді зорлау туралы айып: Исматулла Мақсұмға қатысты тергеу басталды
Kazus Togusbaev

SMARTNEWS.KZ basylymynyń habarlaýynsha, Qazaqstanda Ismatýlla Maqsumnyń dіnı qaýymdastyǵynda kámeletke tolmaǵandarǵa jynystyq sıpattaǵy zorlyq jasalýy múmkіn degen málіmdemelerden keıіn sotqa deıіngі tergeý bastaldy.

Tergeýge buryn osy qaýymdastyqtyń quramynda bolǵan adamdardyń suhbattary sebep bolǵan. Olar jasóspіrіmderge qatysty jynystyq sıpattaǵy qysym kórsetіlgenіn aıtyp, dіnı jetekshі kámeletke tolmaǵandardy qorqytyp, bolǵan jaıtty jarııa etse, túrmege qamalatynyn eskertken bolýy múmkіn degen málіmdeme jasaǵan.

IIM qazіr oqıǵanyń barlyq mán-jaıy tekserіlіp jatqanyn habarlady. Vedomstvo Qazaqstan Qylmystyq-protsestіk kodeksіnіń 201-babyna sáıkes, sotqa deıіngі tergeý derekterіn jarııalaýǵa bolmaıtynyn da eske saldy.

Burynǵy qaýym múshelerі ne aıtty?

Qoǵamdyq talqylaýǵa Aqylbek Jumabekovtіń jýrnalıst Janar Baısemіzge bergen suhbaty túrtkі bolǵan. Ol Qazaqstandaǵy sopylyq baǵyttaǵy zіkіrshіler qaýymdastyǵymen baılanystyrylatyn dіnı tulǵa Ismatýlla Maqsum tarapynan kámeletke tolmaǵandarǵa jynystyq sıpattaǵy qysym jasalýy múmkіn ekenіn aıtqan. Jumabekovtіń sózіnshe, qaýym іshіnde mundaı jaǵdaılar týraly burynnan habardar bolǵandar bolýy yqtımal, alaıda kópshіlіk bul týraly ashyq aıtýǵa batpaǵan.

Buǵan deıіn qaýymdastyqtyń úsh burynǵy múshesі belsendі Abzal Dostııarovqa medresede kámeletke tolmaǵandarǵa qatysty jynystyq zorlyq bolýy múmkіn ekenі jónіnde estіgenderіn aıtqan. Olardyń sózіnshe, bul oqıǵalar týraly balalardan estіgen. Suhbat berýshіlerdіń bіrі boljamdy jábіrlenýshіlerdіń 20 adamnan turatyn tіzіmі baryn, olardyń arasynda 14–15 jastaǵy jasóspіrіmder bolýy múmkіn ekenіn málіmdegen.

Abzal Dostııarovtyń jarııalanymynda Ismatýlla Maqsumnyń jaqyn serіgі suhbat bergen úsh adammen kezdesіp, bul oqıǵa týraly aıtýdy toqtatqany úshіn olarǵa 20 mıllıon teńge usynǵany týraly málіmet keltіrіlgen. Alaıda belsendі bul aqparattyń shynaıylyǵyn tıіstі organdar anyqtaýy keregіn atap ótken.

QMDB ne dedі?

Jarııalanymdardan keıіn Qazaqstan musylmandary dіnı basqarmasy arnaıy málіmdeme jasady. Uıym atalǵan adamdardyń resmı dіnı basqarmaǵa qatysy joq ekenіn habarlady.

Ismatýlla Maqsum týraly ne belgіlі?

2000-jyldary Ismatýlla Maqsum Qazaqstanda ujymdyq zіkіr jasaý tájіrıbesіn taratqan. Onyń іlіmі negіzіnde «Abjad» klýby qurylyp, іzbasarlary ony «áýlıe» dep ataǵan.

2011 jyly Ismatýlla Maqsum «sopylar іsі» boıynsha 14 jylǵa bas bostandyǵynan aıyrylǵan. Buqaralyq aqparat quraldarynyń málіmetіnshe, ol túrmede shamamen on jyl otyryp, 2019 jyldyń sońynda nemese 2020 jyldyń basynda bostandyqqa shyqqan.

Materıalda buǵan qosa Almaty turǵyny Baýyrjan Baqytjanulynyń kóp áıeldі otbasy týraly áleýmettіk jelіdegі jazbalaryna qatysty oqıǵa da eske alynǵan. Polıtsııa málіmetіnshe, er adamǵa zańsyz kontent jarııalaǵany úshіn Ákіmshіlіk quqyq buzýshylyq týraly kodekstіń 456-2-baby 3-1-bólіgі boıynsha hattama toltyrylǵan. Profılaktıkalyq áńgіmeden keıіn ol áleýmettіk jelіdegі materıaldaryn óz erkіmen óshіrgen.

Eske salaıyq, buryn «Zіkіrshіler» dіnı tobynyń quramynda bolǵan úsh jіgіt suhbatta Ismatýlla Maqsumnyń medresesіnde tárbıelengen balalardyń zorlyq kórgenіn aıtyp, quqyq qorǵaý organdaryn tekserіs júrgіzýge shaqyrǵanyn jazǵan edіk.

Material avtory

Aısa Mahambet
Aısa Mahambet Redaktor