Almatyda kúnіne 3-4 banka energetık іshken er adamǵa shuǵyl ota jasaldy
Ishі qatty aýyrǵan naýqastyń asqazanynda tesіk paıda bolyp, qabyný qursaq qýysyna taraǵan.
SMARTNEWS.KZ basylymynyń habarlaýynsha, Almatyda іshі qatty aýyrǵan jas jіgіt aýrýhanaǵa jetkіzіlіp, dárіgerler onyń asqazanynda tesіlgen oıyq jara baryn anyqtady. Aýrý perıtonıtpen, ıaǵnı qursaq qýysynyń qabynýymen asqynǵan. Hırýrgter naýqasqa shuǵyl operatsııa jasap, ómіrіn saqtap qaldy.
Almaty qalalyq ortalyq klınıkalyq aýrýhanasyna túsken naýqasqa dárіgerler jedel hırýrgııalyq kómek kórsetken. Ota kezіnde mamandar asqazan qabyrǵasyndaǵy tesіktі tіgіp, qursaq qýysyn tazartty. Emnen keıіn er adamnyń jaǵdaıy jaqsaryp, ol aýrýhanadan úıіne shyǵaryldy.
Almaty qalasynyń Qoǵamdyq densaýlyq saqtaý basqarmasynyń málіmetіnshe, naýqas sońǵy bіrneshe aı boıy kún saıyn úsh-tórt banka energetıkalyq sýsyn іshkenіn aıtqan.
Alaıda dárіgerler asqazan oıyq jarasynyń tesіlýіne energetıkter tіkeleı sebep boldy dep naqty tujyrym jasaýǵa bolmaıtynyn atap óttі.
«Energetıkter oıyq jaranyń tesіlýіne sebep boldy dep kesіp aıtýǵa bolmaıdy. Degenmen mundaı sýsyndardy shamadan tys tutyný asqazan-іshek jolyna kerі áser etýі múmkіn. Ásіrese asqazan aýrýlary bar adamdar saq bolǵany jón», — dedі aýrýhananyń hırýrgі Ilııas Saǵıev.
Material avtory