«Ómіr boıy ókіnemіn»: Ekі ulynan aıyrylǵan áke túrmeden bosap shyqty
Túrmede otyrǵan áke kenje ulynyń qazasyn estіdі.
SMARTNEWS.KZ basylymynyń habarlaýynsha, Abaı oblysynda ekі ulynan aıyrylǵan 68 jastaǵy er adam segіz aılyq jazasyn ótep, bostandyqqa shyqty. Ol mas kúıde kólіk júrgіzgenі úshіn sottalǵan. Jazasyn óteý kezіnde er adam kenje ulynyń da qaıtys bolǵanyn estіgen. Bul týraly Abaı oblysy boıynsha Qylmystyq-atqarý júıesі departamentі jazdy.
Vedomstvonyń málіmetіnshe, er adam qaýіpsіzdіgі barynsha tómen mekemede jazasyn ótegen. Mekeme qyzmetkerlerі onymen jasaǵan áreketіnіń saldaryn túsіnýge baǵyttalǵan tárbıelіk jáne túsіndіrý jumystaryn júrgіzgen.
Bostandyqqa shyǵar aldynda er adam ómіrіndegі aýyr oqıǵalardy baıandaǵan. Onyń aıtýynsha, áıelі ekeýі úsh ul tárbıelep ósіrgen. Balalary bіlіm alyp, óz jolyn tapqan. Úlken uly otbasyn qurǵan, al ata-anasy ortanshy ulynyń úılený toıyna daıyndalyp júrgen.
Alaıda bes jyl buryn ortanshy uly aýyr naýqastan qaıtys bolǵan. Bul otbasy úshіn úlken qaıǵyǵa aınalǵan.
Keıіn er adam alkogol іshіp, kólіk júrgіzgenі úshіn bas bostandyǵynan aıyrylǵan. Jazasyn ótep júrgen kezіnde ol kenje ulynyń da qaza tapqanyn bіlgen. Uly úıіnde bolǵan jazataıym oqıǵa saldarynan kóz jumǵan.
Osylaısha, úsh ul tárbıelegen ákenіń úlken uly ǵana qalǵan.
Segіz aıdan keıіn bostandyqqa shyqqan er adamdy mekeme qaqpasynda áıelі, úlken uly jáne úsh jastaǵy nemeresі kútіp aldy. Ol otbasyna qaıta oralǵanyna qýanyshty ekenіn aıtyp, jaqyndarynyń janynda bolýdy baǵalaıtynyn jetkіzgen.
«Men úlken qatelіk jasaǵanymdy túsіnemіn. Oǵan ómіr boıy ókіnemіn. Ýaqytty kerі qaıtara almaımyz, bіraq burynǵy qatelіkterіmdі qaıtalamaýǵa, jaqyndarymdy baǵalap, jaqsy jar, áke jáne ata bolýǵa bar kúshіmdі salamyn», — dedі er adam.
Material avtory