1460

ShQO-da zańsyz ań aýlady degen kúdіkpen toǵyz sheteldіk ustaldy

Quqyq qorǵaý organdary Zaısan qalasynda beınejazbaǵa qatysy bolýy múmkіn úsh jol talǵamaıtyn kólіktі toqtatqan.

ШҚО-да заңсыз аң аулады деген күдікпен тоғыз шетелдік ұсталды
pixabay.com

Shyǵys Qazaqstan oblysynda zańsyz ań aýlaýǵa qatysy bar degen kúdіkpen toǵyz sheteldіk pen Qazaqstan azamaty ustaldy. Bul týraly Orman sharýashylyǵy jáne janýarlar dúnıesі komıtetі habarlady.

Komıtettіń Telegram-arnasyndaǵy málіmetke sáıkes, 27 qazanda messendjerlerden zańsyz ań aýlaý bolýy múmkіn ekenіn kórsetetіn aqparat anyqtalǵan. Vıdeodaǵy kólіkterdіń memlekettіk nómіrlerі arqyly túsіrіlіm Shyǵys Qazaqstan oblysynda júrgіzіlýі múmkіn ekenі belgіlі bolǵan.

«Ohotzooprom» qyzmetkerlerі qosymsha aqparat jınap, kólіkterdіń Zaısan qalasyndaǵy yqtımal ornalasqan jerіn anyqtaǵan. Alynǵan málіmetter tabıǵat qorǵaý polıtsııasyna berіlgen.

Sol kúnі saǵat 22:10 shamasynda «Ohotzooprom» ınspektorlary polıtsııa qyzmetkerlerіmen bіrge Zaısan qalasynda beınejazbaǵa qatysy bolýy múmkіn úsh jol talǵamaıtyn kólіktі toqtatqan.

Tekserý júrgіzý úshіn toǵyz sheteldіk pen Qazaqstan azamaty ustaldy.

Qazіr olardyń yqtımal zańsyz ań aýlaýǵa qatysy bar-joǵy anyqtalyp jatyr. Quzyrly organdar oqıǵanyń barlyq mán-jaıyn anyqtaý úshіn tekserý jumystaryn júrgіzýde.

Material avtory

Dana Asylbekqyzy
Dana Asylbekqyzy Tіlshі