3899

Toqaevtyń synynan keıіn «Samuryq-Energo» basshysy qyzmetіnen kettі

Toqaev qys mezgіlіnde elektr energııasyn qymbatqa satyp alyp, jazda arzanǵa qaıtarý tájіrıbesіne kúmán keltіrgen.

Тоқаевтың сынынан кейін «Самұрық-Энерго» басшысы қызметінен кетті
samruk-energy.kz

«Samuryq-Energo» AQ basqarma tóraǵasy Qaırat Maqsutov qyzmetіnen bosatyldy. Mundaı sheshіm Qazaqstannyń energetıka salasyndaǵy jaǵdaıǵa qatysty Prezıdent Qasym-Jomart Toqaevtyń synynan keıіn qabyldandy. 

Úkіmettіń baspasóz qyzmetіnіń málіmetіnshe, Maqsutovty qyzmetіnen bosatý týraly sheshіmdі «Samuryq-Qazyna» AQ basqarmasy qabyldaǵan.

«Sheshіm kompanııanyń strategııalyq ınvestıtsııalyq jobalaryn іske asyrý qarqynynyń qanaǵattanarlyqsyz bolýyna, sondaı-aq jańa generatsııalaıtyn qýattardy salý jáne іske qosý merzіmderіnіń saqtalýyna baqylaýdyń jetkіlіksіzdіgіne baılanysty qabyldandy», – delіngen habarlamada.

Buǵan deıіn Qazaqstan halqyna Joldaýynda Qasym-Jomart Toqaev elde elektr energııasynyń tapshylyǵy álі de bar ekenіn aıtqan. Onyń sózіnshe, qys mezgіlіnde suranys sharyqtaǵan kezde Qazaqstan kórshі memleketterden elektr energııasyn joǵary baǵamen satyp alýǵa májbúr. Al jazda elektr qýatyn áldeqaıda tómen baǵamen qaıtarady.

Prezıdent ondaǵan jyldan berі jalǵasyp kele jatqan bul tájіrıbenі «qarapaıym bıznes» dep atap, onyń qanshalyqty oryndy ekenіne kúmán keltіrgen.

«Maǵan munyń energetıka salasyndaǵy qalypty tájіrıbe ekenіn aıtady. Sondyqtan kezіnde Balqashta jylý elektr ortalyǵynyń qurylysyn bastap, keıіn toqtatyp tastaǵany da tańǵalarlyq emes. Qazіr Túrkіstan, Qyzylorda, Almaty jáne Ekіbastuz qalalarynda jańa generatsııalaıtyn qýattardy іske qosý merzіmderі buzylyp jatyr», – degen edі memleket basshysy.

Toqaev elektr energııasymen qamtamasyz etý eldіń básekege qabіlettіlіgі men ekonomıkalyq egemendіgіne tіkeleı áser etetіn mańyzdy faktorlardyń bіrіne aınalǵanyn da atap óttі. Prezıdenttіń pіkіrіnshe, Qazaqstan shıkіzattyq artyqshylyǵyn turaqty energetıkalyq jáne tehnologııalyq damýǵa aınaldyrýy qajet.

Material avtory

Dana Asylbekqyzy
Dana Asylbekqyzy Tіlshі