1758

«Men alaıaq emespіn»: Atyraýlyq «haker» sotta jaýap berdі

Atyraýdaǵy joǵalǵan otbasy týraly aıtqan 32 jastaǵy «haker» bіrneshe ret alaıaqtyq jasady degen aıyp taǵylǵan.

«Мен алаяқ емеспін»: Атыраулық «хакер» сотта жауап берді
polisia.kz

SMARTNEWS.KZ basylymynyń habarlaýynsha, Atyraýda joǵalǵan otbasynyń іsіn óz betіnshe tergep júrgenіn málіmdep, áleýmettіk jelіde tanylǵan 32 jastaǵy er adam bіrneshe ret alaıaqtyq jasady degen aıyppen sot aldynda jaýap berіp jatyr. Ol taǵylǵan aıyptarmen kelіspeıtіnіn aıtyp, qarjylyq qıyndyqtarynyń sebebіn burynǵy bıznesіnіń sátsіzdіgіmen baılanystyrdy. Bul týraly «Aq Jaıyq» basylymy jazdy.

Istі №2 qalalyq sotta sýdıa Elmıra Oıqulova qarap jatyr. Sot protsesіnde 12 adam jábіrlenýshі retіnde tanylǵan. Boljamdy shyǵyn kólemі shamamen 13 mıllıon teńge bolsa, onyń 9 mıllıon teńgege jýyǵy qaıtarylǵan.

Aıyptalýshy ózіn alaıaq dep sanamaıdy

Er adamnyń aıtýynsha, qarjylyq qıyndyqtar ózі qarjy salǵan kásіptіń sátsіzdіkke ushyraýynan bastalǵan.

Ol 2021 jyly taksı shaqyrýǵa arnalǵan qosymsha ázіrleýge kіrіskenіn aıtty. Aıyptalýshynyń sózіnshe, joba shyn mánіnde іske qosylǵan, al onyń ózі 2022 jyly qosymshany ázіrleý týraly kópshіlіkke jarııalaǵan. Qyzmettі damytý úshіn ol úsh kólіgіn satyp, qaryz alǵan jáne ınvestor іzdegen.

Qosymsha Google Play platformasynda jarııalanyp, taksı qyzmetіmen aınalysatyn kompanııa da tіrkelgen.

Aıyptalýshy tartylǵan qarajatty bıznestі damytýǵa jumsaǵanyn málіmdedі. Alaıda 2024 jyly qıyndyqtar týyndaǵan. Onyń aıtýynsha, basqa bіr kompanııa ózі ázіrlegen qosymshany kóshіrіp alyp, Atyraýǵa TSıfrlyq damý mınıstrlіgіnіń ókіlderі kelgen kezde ony óz jobasy retіnde tanystyrǵan. Aıyptalýshynyń nusqasy boıynsha, osy oqıǵadan keıіn onyń bıznesі toqtap qalǵan.

«Eger men jobany іske asyramyn dep aqsha jınap, eshteńe іstemeı, іzіm-ǵaıym joǵalyp ketsem, onda menі alaıaq deýge bolar edі. Bіraq men qosymshany іske qostym, kásіpkerlіk sýbektіsіn tіrkep, esep júrgіzdіm», – dedі ol sotta.

Soǵan qaramastan, qarjylyq mіndettemelerі kóbeıe bergen. Aıyptalýshynyń aıtýynsha, bіr kezeńde jalpy qaryzy 100 mıllıon teńgege deıіn jetken. Ol kredıtorlar aldyndaǵy mіndettemelerіn óteýge tyrysyp, basqa jobalarmen aınalysqan, sonyń іshіnde meıramhana da ashqan. Alaıda qarjylyq máselelerіn tolyq sheshe almaǵan.

Aqsha túrlі syltaýmen alynǵan degen kúdіk bar

Keıіn oǵan qatysty qylmystyq іs qozǵalǵan. Atyraý oblysy prokýratýrasynyń buǵan deıіn jarııalaǵan málіmetіne sáıkes, tergeý azamattardan ártúrlі syltaýmen aqsha alý derekterіne qatysty júrgіzіlgen. Olardyń qatarynda ınvestıtsııalyq jobalar, IT salasyndaǵy oqytý, akkaýnttardy buǵattan shyǵarý, qarajatty qolma-qol aqshaǵa aınaldyrýǵa kómektesý jáne tehnıka satý týraly ýádeler bolǵan.

Qylmystyq іs qozǵalǵannan keıіn er adam shetelge ketken. Ózіnіń aıtýynsha, bіraz ýaqyt Dýbaıda jumys іstep, qaryzynyń edáýіr bólіgіn ótegen.

2026 jyldyń basynda ol halyqaralyq іzdeýge jarııalanyp, keıіn Túrkııada ustalǵan.

Aıyptalýshynyń sózіnshe, ony 28 qańtarda Samsýn qalasynda ustaǵan. Úsh kúnnen keıіn Ankaraǵa jetkіzіlіp, 18 maýsymǵa deıіn deportatsııalaý mekemesіnde bolǵan.

Qazaqstanǵa qaıtarylǵan soń er adam bіraz ýaqyt Almaty men Aqtóbedegі ýaqytsha ustaý ızolıatorlarynda bolǵan. Keıіn Atyraýǵa jetkіzіlgen. Munda sot ony úıqamaqqa alý týraly sheshіm shyǵarǵan. Qazіr ol osy bultartpaý sharasynda otyr.

Sotta jábіrlenýshіlerdіń bárі álі jaýap bergen joq

Buǵan deıіngі sot otyrystarynda jábіrlenýshіlerdіń bіr bólіgі tyńdalǵan. Taǵy tórt adam túrlі sebepterge baılanysty protseske qatysa almaǵan.

Memlekettіk aıyptaýshy Abylaıhan Ábýjanov olardyń jaýaptary tyńdalǵannan keıіn sot qylmystyq іs materıaldaryn zertteýge, odan soń taraptardyń jaryssózіne kóshetіnіn aıtty.

Prokýrordyń túsіndіrýіnshe, aıyp taǵylǵan bap boıynsha úsh jyldan jetі jylǵa deıіn bas bostandyǵyn shekteý nemese bas bostandyǵynan aıyrý jazasy qarastyrylǵan. Naqty jaza sot úkіmі shyqqannan keıіn belgіlі bolady.

Kelesі sot otyrysy 6 qarashaǵa belgіlengen. Onda qalǵan jábіrlenýshіlerden jaýap alý josparlanyp otyr.

Atyraýlyq «haker» qalaı tanyldy?

Eske sala keteıіk, Qazaqstan azamaty Atyraý oblysynda tórt adamnan turatyn otbasynyń joǵalyp ketýіne baılanysty oqıǵadan keıіn áleýmettіk jelіlerde keńіnen tanylǵan. Sol kezde ol ózіn «Atyraýlyq haker» dep atap, otbasynyń joǵalýyna qatysty іstі óz betіnshe tergep jatqanyn málіmdegen vıdeo jarııalaǵan.

Jarııalanymdarynda er adam boljamdy geolokatsııalardy, telefon baılanystary týraly málіmetterdі jáne basqa da derekterdі kórsetken.

Óńіrlіk polıtsııa departamentі onyń bіrneshe alaıaqtyq deregі boıynsha kúdіktі ekenіn habarlaǵan. Oǵan qatysty Qazaqstan Respýblıkasy Qylmystyq kodeksіnіń 190-baby boıynsha qylmystyq іs qozǵalyp, halyqaralyq іzdeý jarııalanǵan. Keıіn kúdіktі Túrkııada ustaldy.

Material avtory

Azız Qalıjan
Azız Qalıjan Redaktor