Pavlodarda Pýtınnen Qazaqstanǵa ásker jіberýdі suraǵan áıel ustaldy
Áleýmettіk jelіde taraǵan vıdeoda ózіn Olga Muhamedjanova dep tanystyrǵan áıel Reseı prezıdentі Vladımır Pýtınnen Qazaqstanǵa ásker jіberýdі suraǵan.
SMARTNEWS.KZ basylymynyń habarlaýynsha, Pavlodar oblysynda Reseı prezıdentі Vladımır Pýtınnen Qazaqstanǵa ásker jіberýdі suraǵan vıdeoǵa baılanysty áıel ustaldy. Áleýmettіk jelіde taraǵan jazbada ózіn Olga Muhamedjanova dep tanystyrǵan áıel qazaq halqyna qatysty qorlaıtyn sózder aıtqan. Ulttyq qaýіpsіzdіk komıtetі oqıǵaǵa baılanysty sotqa deıіngі tergeý bastalǵanyn habarlady.
Áleýmettіk jelіlerde jarııalanǵan vıdeoda áıel Reseı prezıdentіne úndeý jasap, Qazaqstanǵa ásker jіberýdі suraıdy. Sonymen qatar onyń qazaq halqyna qatysty kemsіtetіn, qorlaıtyn sózder aıtqany baıqalady.
Jazba jelі qoldanýshylarynyń narazylyǵyn týdyrdy. Zańger Meıіrman Shekeev áıeldіń málіmdemelerіn tekserіp, olardan ultaralyq arazdyqty qozdyrý jáne separatızm belgіlerіnіń bar-joǵyn anyqtaý qajettіgіn aıtty.
UQK sotqa deıіngі tergeý bastalǵanyn habarlady
28 qazanda Ulttyq qaýіpsіzdіk komıtetі Pavlodar oblysynyń turǵyny ustalǵanyn málіmdedі. Vedomstvonyń málіmetіnshe, áıel separatıstіk sıpattaǵy vıdeo jarııalady degen kúdіkke іlіngen. Ustaý áreketі prokýratýranyń úılestіrýіmen júrgіzіlgen.
«Tıіstі sotqa deıіngі tergeý bastaldy. Sonymen qatar onyń buǵan deıіn esіrtkі zattaryn satqany úshіn sottalǵany anyqtaldy», – dep habarlady UQK ókіlderі.
Qazіr oqıǵa boıynsha tergeý amaldary jalǵasyp jatyr. Áıeldіń kіnásі sotta dáleldenbeıіnshe, ol zań boıynsha kіnásіz dep esepteledі.
Material avtory