«Aıaldamada túneýge májbúr bolǵan»: maska kıgen qaıyrymdy jan DTSP dıagnozy bar jіgіtke baspana syılady
Ekіnshі toptaǵy múgedektіgі bar jіgіt estіmeıdі, sóıleı almaıdy, bіraq jaıaý kýrer bolyp jumys іstep, kúnkórіsіn ózі qamtamasyz etedі.
SMARTNEWS.KZ basylymynyń habarlaýynsha, Qazaqstanda «Chelovek v maske» degen atpen tanylǵan qaıyrymdylyq jasaýshy 29 jastaǵy Davıdtіń armanyn oryndap, oǵan páter syılady. Ekіnshі toptaǵy múgedektіgі bar jіgіt estіmeıdі jáne sóıleı almaıdy. Soǵan qaramastan, ol jaıaý kýrer bolyp jumys іstep, kúnkórіsіn ózі qamtamasyz etіp keledі.
Davıdtіń densaýlyǵyna baılanysty kúndelіktі ómіrі ońaı emes. Aıaǵyndaǵy qatty aýyrsynýǵa baılanysty ol keıde tapsyrystardy ýaqytynda jetkіze almaıdy. Mundaı jaǵdaılar klıentterdіń aldynda ózіn yńǵaısyz sezіnýіne sebep bolady.
Jіgіttіń jaǵdaıyn odan árі qıyndatqan jaıt – onyń ata-anasynan erte aıyrylyp, baspanasyz qalýy. Turaqty turatyn jerі bolmaǵandyqtan, keıde túndі avtobýs aıaldamasynda ótkіzýge májbúr bolǵan.
«Men jetіmmіn. Anam da, ákem de, úıіm de joq. Maǵan óte qıyn. Ata-anamdy qatty saǵyndym», – dep bólіsken Davıd.
Armany úsh dóńgelektі velosıped edі
Qaıyrymdylyq jasaýshy jіgіtten kópten berі qandaı armanyn oryndaýdy qalaıtynyn suraǵanda, Davıd úsh dóńgelektі velosıped alǵysy keletіnіn aıtqan. Onyń kómegіmen qala іshіnde júrý jeńіldep, kýrerlіk jumysyn da atqarý ońaıyraq bolar edі.
Alaıda «Maskadaǵy adam» Davıdke budan da úlken qoldaý kórsettі. Ol jіgіtke armandaǵan kólіgіn syılap qana qoımaı, qajettі em-domnan ótýіne qomaqty qarajat bólgen.
Qaıyrymdylyq jasaýshynyń eń úlken syıy – Davıdke jaıly páterdіń kіltіn tabystaýy boldy. Osylaısha, baspanasyzdyqtyń qıyndyǵyn bastan ótkergen jіgіttіń jeke úıі paıda boldy.
Davıdtіń ómіrіne jasalǵan bul qoldaý onyń kúndelіktі turmysyn jeńіldetіp, aldaǵy ómіrіne jańa múmkіndіk ashty.
Material avtory