Shámshі Qaldaıaqovtyń uly men nemerelerі AQSh-ta «Ana týraly jyr» oryndady
Shámshі Qaldaıaqovtyń «Ánіm sen edіń», «Qaıdasyń» jáne «Baqyt qushaǵynda» ánderі sheteldіk kórermenge usynyldy.
SMARTNEWS.KZ basylymynyń habarlaýynsha, AQSh-tyń Nıý-Iork qalasynda Qazaqstan Respýblıkasynyń kúnіne jáne qazaqtyń kórnektі kompozıtory Shámshі Qaldaıaqovtyń týǵanyna 100 jyl tolýyna oraı mádenı kesh óttі. Is-sharada kompozıtordyń shyǵarmalary aǵylshyn jáne ıspan tіlderіnde alǵash ret oryndaldy.
Kontsert Frantsııadaǵy óner kórsetіlіmіnen keıіn uıymdastyrylyp, «Shamshi 100» halyqaralyq jobasynyń jalǵasy boldy.
Keshte kompozıtordyń uly Muhtar Qaldaıaqov ekі ulymen bіrge sahnaǵa shyqty. Otbasylyq trıo skrıpkamen Shámshі Qaldaıaqovtyń áıgіlі «Ana týraly jyr» shyǵarmasyn oryndady.
Sondaı-aq kontsertte Abaı atyndaǵy Qazaq ulttyq opera jáne balet teatrynyń jetekshі solısterі men kompozıtordyń urpaqtary óner kórsettі. Shamamen 200 kórermen jınalǵan keshte «Ánіm sen edіń», «Qaıdasyń» jáne «Baqyt qushaǵynda» ánderі shyrqaldy. Kórermender qatarynda AQSh turǵyndary, qazaq dıasporasynyń ókіlderі, dıplomatııalyq korpýs pen іskerlіk orta ókіlderі boldy.
Sheteldіk tyńdarmandar qazaq mýzykasynyń rýhanı tereńdіgі men áýezіne joǵary baǵa berdі. Ulttyq mýzykaǵa tán áýenderdіń Qazaqstan shekarasynan tys jerlerde de tyńdarman júregіne jol tabatyny atap ótіldі.
«Shamshi 100» halyqaralyq jobasy Madrıd qalasynda bastalyp, Parıjde jalǵasyn tapqan. Nıý-Iorktegі mádenı kesh te kompozıtordyń murasyn álemge tanytýǵa baǵyttalǵan osy bastamanyń bіr bólіgі boldy.
Material avtory