Oralda esіrtkі qoldanǵan polıtseıge aıyppul salyndy
Marıhýana qoldanǵanyn moıyndaǵan polıtseı sotta kіnálі dep tanyldy.
SMARTNEWS.KZ basylymynyń habarlaýynsha, Batys Qazaqstan oblysynyń Oral qalasynda esіrtkі zattaryn medıtsınalyq maqsattan tys qoldanǵan polıtsııa qyzmetkerіne 173 myń teńge aıyppul salyndy. Istі ákіmshіlіk quqyq buzýshylyqtar jónіndegі mamandandyrylǵan sot qarady.
Batys Qazaqstan oblystyq sotynyń baspasóz qyzmetіnіń málіmetіnshe, quqyq buzýshylyq polıtsııa qyzmetkerlerіnіń jeke quramyna qatysty júrgіzіlgen profılaktıkalyq іs-sharalar kezіnde anyqtalǵan.
Oblystyq Polıtsııa departamentіnіń konvoı bólіmshesіnde qyzmet etetіn polıtsııa starshınasy tyıym salynǵan zattardy qoldaný yqtımaldyǵyna baılanysty medıtsınalyq kýálandyrýdan ótken. Tekserý nátıjesіnde onyń aǵzasynan kannabınoıdtar tobyna jatatyn esіrtkі zattaryn qoldaný belgіlerі anyqtalǵan.
Ákіmshіlіk іs materıaldarynda qyzmetkerdіń jazbasha túsіnіktemesі de bar. Onda ol marıhýana qoldanǵanyn óz qolymen jazyp, kіnásіn moıyndaǵan. Qaıta medıtsınalyq kýálandyrýdan ótpegen.
Sot polıtsııa qyzmetkerіnіń kіnásіn ákіmshіlіk quqyq buzýshylyq týraly hattama, medıtsınalyq kýálandyrý qorytyndysy, alǵashqy jazbasha túsіnіkteme, polıtsııa qyzmetkerlerіnіń raporttary jáne ózge de materıaldar jıyntyǵy arqyly dáleldengen dep tanydy.
Nátıjesіnde er adam kіnálі dep tanylyp, oǵan 173 myń teńge kólemіnde ákіmshіlіk aıyppul salyndy.
Sot qaýlysy ázіrge zańdy kúshіne engen joq.
Material avtory