3729

Dımash Qudaıbergen Ankarada túrkі memleketterіnіń prezıdentterі aldynda óner kórsettі

Dımashtyń sahnadaǵy ónerіn dombyrashy, qobyzshy jáne sybyzǵyshy qazaqstandyq mýzykanttar súıemeldedі.

Димаш Құдайберген Анкарада түркі мемлекеттерінің президенттері алдында өнер көрсетті
Dimashnews

SMARTNEWS.KZ basylymynyń habarlaýynsha, Qazaqstannyń halyq ártіsі Dımash Qudaıbergen Túrkі memleketterі uıymyna (TMU) múshe elderdіń basshylaryna arnalǵan merekelіk kontsertte óner kórsettі. Qazaqstandyq ánshіnіń óner kórsetýі uıymnyń XIII sammıtі aıasynda Ankarada óttі. Bul týraly Dimashnews saıty jazdy.

Sammıt 29–30 qazan kúnderі «Túrkі dáýіrі: tіldegі, oıdaǵy jáne іsterdegі bіrlіk» uranymen ótýde. Jıynǵa TMU-ǵa múshe bes memlekettіń — Qazaqstan, Qyrǵyzstan, Ózbekstan, Ázerbaıjan jáne Túrkııanyń basshylary qatysyp jatyr. Sonymen qatar baqylaýshy elder — Vengrııa, Túrіkmenstan jáne Soltústіk Kıpr Túrіk Respýblıkasynyń ókіlderі de shaqyrylǵan.

Túrkі memleketterіnіń kóshbasshylaryna arnalǵan arnaıy kontsert 29 qazanda Prezıdenttіk kongress jáne mádenıet ortalyǵynda óttі.

Dımash Qudaıbergen mýzykalyq baǵdarlamanyń qorytyndy bólіmіnde sahnaǵa shyqty. Ánshі ózіnіń tanymal shyǵarmalarynyń bіrі — frantsýz tіlіndegі SOS d’un terrien en détresse ánіn oryndady. Budan bólek, qazaqtyń mýzykalyq týyndylaryn zamanaýı óńdeýde usyndy. Onyń oryndaýynda «Samaltaý» halyq ánі men «Adaı» kúıі shyrqaldy.

Sahnada Dımashqa qazaqstandyq mýzykanttar Temіrlan Oljabaı men Ernat Naýryz dombyramen, Oljas Qurmanbek qobyzben jáne Sanjaı Álmіshev sybyzǵymen súıemeldeý kórsettі. 

Material avtory

Dana Asylbekqyzy
Dana Asylbekqyzy Tіlshі