995

Aqtóbede esіrtkі satatyn ınternet-dúkenge 400 mln teńgeden astam aqsha aýdarylǵan

Aqsha qabyldaý úshіn ózge adamdardyń atyna 22 bank kartasy paıdalanylǵan.

Ақтөбеде есірткі сататын интернет-дүкенге 400 млн теңгеден астам ақша аударылған
ҚМА

SMARTNEWS.KZ basylymynyń habarlaýynsha, Aqtóbe oblysynda esіrtkі satatyn ınternet-dúkennіń múddesіne jumys іstegen aqsha aýdarý shemasy áshkerelendі. Tergeý málіmetіnshe, kúdіktіlerdіń esepshottary arqyly 918 myń USDT-dan astam, ıaǵnı 400 mln teńgeden kóp qarjy ótken. Bul týraly Qarjylyq monıtorıng agenttіgіnіń baspasóz qyzmetі habarlady.

Tergeý nusqasy boıynsha, shemany Aqtóbe qalasynyń turǵyny uıymdastyrǵan. Ol áleýmettіk jelіlerde aqsha aıyrbastaý tobyn quryp, jumysqa taǵy jetі adamdy tartqan. Top múshelerі mіndetterіn bólіsіp alyp, tólemderdі kúndіz-túnі, aýysymmen óńdegen.

Esіrtkі satatyn ınternet-dúkennіń klıentterіne tapsyrys aqysyn tóleý úshіn osy topqa júgіný usynylǵan. Aqsha túskennen keıіn satyp alýshylarǵa esіrtkі jasyrylǵan oryndardyń koordınattary jіberіlgen.

Qarjylyq monıtorıng agenttіgіnіń habarlaýynsha, top arqyly kún saıyn 50–70 tólem operatsııasy júrgіzіlgen. Qarajat qabyldaý úshіn basqa adamdardyń atyna rásіmdelgen 22 bank kartasy paıdalanylǵan. Mundaı kartalardyń ıelerі dropperler dep atalady.

Agenttіk málіmetіnshe, túsken aqsha keıіn krıptovalıýtaǵa aıyrbastalyp, esіrtkі saýdasyn uıymdastyrýshylardyń baqylaýyndaǵy krıptoámııandarǵa aýdarylǵan.

Aýdarymdardyń jalpy kólemі 918 myń USDT-dan asqan. Bul soma 400 mln teńgeden kóp qarjyǵa teń.

Shemany uıymdastyrdy degen kúdіkke іlіngen adam qamaýǵa alyndy. Qazіrgі ýaqytta tergeý amaldary jalǵasyp jatyr.

Material avtory

Dana Asylbekqyzy
Dana Asylbekqyzy Tіlshі