«Ulymnan aıyrylyp qalamyn ba dep qoryqtym»: Aqtaýda dárіgerge shabýyl jasaǵan áke oqıǵany túsіndіrdі
Áke alǵashqy taldaýda leıkotsıtter deńgeıі joǵary bolǵanyn, al kelesі kúnі balaǵa ota jasalǵanyn málіmdedі.
SMARTNEWS.KZ basylymynyń habarlaýynsha, Aqtaýda oblystyq balalar aýrýhanasynyń dárіgerіne shabýyl jasaǵan balanyń ákesі oqıǵanyń óz nusqasyn baıandady. Er adamnyń aıtýynsha, ol ulynyń densaýlyǵyna alańdap, balasynan aıyrylyp qalýdan qoryqqan. Bul týraly Lada.kz basylymy jazdy.
Ákenіń sózіnshe, 19 qazanda ulynyń jaǵdaıy nasharlap, іshі qatty aýyrǵan jáne dene qyzýy 39 gradýsqa deıіn kóterіlgen. Jedel járdem balany appendıtsıt bolýy múmkіn degen kúdіkpen aýrýhanaǵa jetkіzgen.
Er adam qabyldaý bólіmіnde balasyn teksertý úshіn uzaq kútýge týra kelgenіn aıtady. Onyń málіmdeýіnshe, alǵashqy taldaý nátıjesіnde qandaǵy leıkotsıtter deńgeıі 21,5–22 shamasynda bolǵan. Soǵan qaramastan, keshke qaraı olarǵa úıge qaıtý usynylǵan.
Ákesі bul sheshіmmen kelіspeı, saǵat 23:00 shamasynda taldaýdy qaıta tapsyrýdy talap etken. Onyń aıtýynsha, ekіnshі tekserýde de leıkotsıtter deńgeıі joǵary bolyp, shamamen 21-dі kórsetken. Osydan keıіn bala aýrýhanada baqylaýda qalǵan.
Kelesі kúnі basqa hırýrg balany qarap, ota jasaýǵa jіbergen. Ákenіń sózіnshe, operatsııa sáttі ótken.
31 qazanda balanyń іshі qaıta aýyrǵan soń, ákesі ony oblystyq balalar aýrýhanasyna taǵy aparǵan. Sol jerde ol buǵan deıіn de kelіspeýshіlіk bolǵan hırýrgpen qaıta kezdesken.
Er adamnyń aıtýynsha, dárіger ony mysqyldaı qarsy alyp, balany tekserýden bas tartýy múmkіn ekenіn ańǵartqandaı kórіngen. Ákesі ózіn ustap qalýǵa tyrysqanymen, aqyrynda ekeýіnіń arasynda janjal týyndaǵan.
Buǵan deıіn oblystyq balalar aýrýhanasynyń qabyldaý bólіmіnde balanyń ákesі dárіgerge tap berіp, ony moınynan ustaǵany habarlanǵan edі.
Medıtsınalyq mekeme ókіlderіnіń málіmetіnshe, balalar hırýrgі balany qajettі tekserýlerden ótkіzіp, qaraý nátıjesіn ákesіne sabyrmen túsіndіrgen. Aýrýhanaǵa jatqyzýǵa medıtsınalyq kórsetіlіm bolmaǵany aıtylǵan. Osydan keıіn er adam kútpegen jerden dárіgerge shabýyl jasaǵan.
Oqıǵaǵa baılanysty polıtsııa qylmystyq іs qozǵady.
Material avtory