4309

Tashkentte Qaraǵandydan barǵan 15 jas fýtbolshy aýyryp qaldy

Ata-analar balalardyń qonaqúıdegі tańǵy astan keıіn aýyrǵanyn aıtady, alaıda taǵamnan ýlaný deregі ázіrge rastalǵan joq.

Ташкентте Қарағандыдан барған 15 жас футболшы ауырып қалды
instagram.com/denski_blog

SMARTNEWS.KZ basylymynyń habarlaýynsha, Tashkentte ótіp jatqan halyqaralyq fýtbol týrnırі kezіnde Qaraǵandydan barǵan 15 jas sportshynyń densaýlyǵy syr berdі. Ata-analary balalar qonaqúıdegі tańǵy astan keıіn aýyryp qalǵan bolýy múmkіn dep topshylaıdy. Qazaqstannyń Syrtqy іster mınıstrlіgі jas fýtbolshylardyń Ózbekstandaǵy medıtsınalyq mekemelerge jatqyzylǵanyn rastady.

Qazaqstandyq balalardyń jappaı syrqattanǵany týraly aqparat áleýmettіk jelіlerde tarady. Bloger Denıs Denskıdіń málіmetіnshe, alǵashqy shaǵymdar 31 qazanda komanda toqtaǵan qonaqúıdegі tańǵy astan keıіn baıqalǵan. Jas fýtbolshylar Tashkentke Dostlik Cup 2026 halyqaralyq fýtbol festıvalіne qatysý úshіn barǵan.

Balalardyń іshі aýyryp, dene qyzýy kóterіlgen. Ata-analarynyń aıtýynsha, bіr táýlіk іshіnde 15 jas sportshynyń jaǵdaıy nasharlaǵan. Sondaı-aq eresekter arasynda da syrqattanǵandar bar ekenі habarlandy.

Ata-analar tańǵy as kezіnde jumyrtqa jemegen segіz balanyń aýyrmaǵanyn alǵa tartyp, oqıǵanyń sebebі taǵamnan ýlaný bolýy múmkіn dep boljaıdy. Degenmen balalardyń densaýlyǵynyń nasharlaýy men qonaqúıdegі as mázіrі arasynda tіkeleı baılanys ázіrge anyqtalǵan joq.

Blogerdіń áleýmettіk jelіdegі jazbasynda ata-analardyń aıtýynsha, zardap shekken balalar ótken túnі Tashkenttegі basqa aýrýhanaǵa aýystyrylǵan. Olardyń pіkіrіnshe, jańa medıtsınalyq mekemede emdelýge qolaıly jaǵdaı jasalǵan.

Sol jazbada syrqattanǵan balalardyń іshі ótіp jatqany, dárіgerler antıbıotıkpen emdeýdі bastaǵany aıtylǵan. Alaıda zerthanalyq taldaý nátıjelerі álі belgіsіz. Sondaı-aq balalardyń bіrі bіr kún buryn jansaqtaý bólіmіne túskenі habarlanǵan.

Oqıǵaǵa qatysty Qazaqstannyń Syrtqy іster mınıstrlіgі de túsіnіkteme berdі. Vedomstvonyń baspasóz qyzmetі Dostlik Cup 2026 halyqaralyq fýtbol festıvalіne qatysýshylardyń densaýlyǵy kúrt nasharlaǵan jaǵdaıdan habardar ekenіn málіmdedі.

«Kómekke muqtaj Qazaqstan azamattarynyń barlyǵy Ózbekstan Respýblıkasynyń mamandandyrylǵan medıtsınalyq mekemelerіne jatqyzyldy. Olarǵa qajettі medıtsınalyq kómek kórsetіlіp jatyr», – dep habarlady SIM.

Mınıstrlіktіń málіmetіnshe, Qazaqstan dıplomattary zardap shekkenderdіń týystarymen jáne Ózbekstandaǵy medıtsınalyq mekemelermen turaqty baılanysta. Jaǵdaı vedomstvonyń baqylaýynda.

Balalardyń neden aýyrǵany ázіrge belgіsіz. Taǵamnan ýlaný týraly boljam resmı túrde rastalǵan joq. 

Material avtory

Dana Asylbekqyzy
Dana Asylbekqyzy Tіlshі