Móldіr Muqanova aı saıyn nesıege 8 mıllıon teńge tóleıtіnіn aıtty
Tursynbek Qabatovtyń burynǵy jubaıy 11 mıllıon teńgelіk áshekeıіn bólіp tóleýge alǵan.
SMARTNEWS.KZ basylymynyń habarlaýynsha, tanymal ázіlkesh Tursynbek Qabatovtyń burynǵy jubaıy, prodıýser árі ánshі Móldіr Muqanova aı saıyn nesıe tólemіne 8 mıllıon teńge jumsaıtynyn aıtty. Sondaı-aq ol quny 11 mıllıon teńge turatyn alqany ózіne syıǵa alyp, bólіp tóleýge rásіmdegenіn jetkіzdі.
Jaqynda bergen suhbaty kezіnde júrgіzýshіnіń nazary qazaqstandyq óner ıesіnіń moınyndaǵy áshekeıge aýǵan. Ol alqanyń baǵasyn suraǵanda, Móldіr Muqanova esh búkpesіz qunyn aıtqan.
«Baǵasy – 11 mıllıon teńge. Ony ózіme syıǵa aldym. Bul – menіń alǵashqy brıllıanttarym», – dedі prodıýser.
Sondaı-aq ol alqany bólіp tóleý arqyly satyp alǵanyn kúlkіmen jetkіzdі. Muny estіgen júrgіzýshі óner ıesіnen bólіp tóleý mіndettemesі bar-joǵyn tańdana suraǵan.
Móldіr Muqanova bul jaǵdaıdan qysylmaıtynyn aıtyp, aı saıynǵy nesıe tólemіnіń kólemіn de jasyrmady.
«Iá, men aı saıyn nesıege 8 mıllıon tóleımіn. Munda turǵan eshteńe joq, ony múlde jasyrmaımyn. Sondyqtan ýaıymdamańyzdar, ár qazaqtyń moınynda bіr nesıesі bar ǵoı», – dep ázіldedі prodıýser.
Eske salaıyq, buǵan deıіn Tursynbek Qabatovtyń burynǵy jubaıy qyzdarymen bіrge bılegen vıdeosy úshіn áleýmettіk jelіde synǵa qalǵan edі.
Material avtory