Qazaqstandaǵy alǵashqy AES qurylysy 2027 jyly bastalmaq
«Balqash» AES jobasymen qatar, «Moıynqum» AES-yn salýǵa daıyndyq ta júrgіzіlýde.
SMARTNEWS.KZ basylymynyń habarlaýynsha, Qazaqstandaǵy alǵashqy atom elektr stantsııasy – «Balqash» AES-іnіń qurylysyn 2027 jyly bastaý josparlanyp otyr. Qazіr bolashaq stantsııa ornalasatyn aýmaqta ınjenerlіk-іzdestіrý jumystary aıaqtalyp keledі. Bul týraly Atom energııasy agenttіgіnіń basshysy Almasadam Sátqalıev habarlady.
Jospar boıynsha, atom elektr stantsııasy Almaty oblysynyń Jambyl aýdanynda salynady. Bıyl mamyrda Qazaqstan stantsııa qurylysyna qatysty úkіmetaralyq kelіsіmderge qol qoıyp, olar maýsym aıynda ratıfıkatsııalanǵan.
«Qazіrgі ýaqytta ınjenerlіk-іzdestіrý jumystary aıaqtalyp keledі, al qurylys jumystaryn 2027 jyly bastaý josparlanǵan», – dedі Almasadam Sátqalıev dúısenbі kúnі Quryltaıdyń ekonomıkalyq saıasat, ónerkásіp jáne energetıka máselelerі jónіndegі komıtetіnіń otyrysynda.
Jobada qazaqstandyq kásіporyndardyń qatysýyna da erekshe nazar aýdarylyp otyr. Stantsııa qurylysy men óndіrіsіnde jergіlіktі qamtý úlesіn 30 paıyzǵa jetkіzý nysanaly kórsetkіsh retіnde belgіlengen.
Atom energııasy agenttіgіnіń basshysy bul maqsatqa jetý úshіn 2027–2031 jyldarǵa arnalǵan atom ónerkásіbіndegі óndіrіstі oqshaýlaýdy damytý jónіndegі keshendі jospar qabyldanǵanyn aıtty. Sonymen qatar qazaqstandyq qamtýdyń qajettі deńgeıіn qamtamasyz etýge baǵyttalǵan zańnamalyq túzetýler engіzіlgen.
Budan bólek, Qazaqstan ekіnshі joba – «Moıynqum» AES-іn іske asyrýǵa da daıyndalyp jatyr. Bul nysannyń aýmaǵynda da ınjenerlіk-іzdestіrý jumystary júrgіzіlýde. Qajettі qujattar ázіrge daıyndyq kezeńіnde.
Material avtory