SQO-da jeke úıdіń qorasynan 17 jastaǵy stýdenttіń máıіtі tabyldy
Marqum qyz Kókshetaýdaǵy pedagogıkalyq kolledjde bіlіm alǵan, al demalys kúnderі anasy men іnіsіne barǵan.
SMARTNEWS.KZ basylymynyń habarlaýynsha, Soltústіk Qazaqstan oblysynyń Taıynsha aýdanyna qarasty Petrovka aýylynda 17 jastaǵy pedagogıkalyq kolledj stýdentіnіń ólіmіne baılanysty tergeý bastaldy. Kámeletke tolmaǵan qyzdyń denesі 1 qarasha kúnі keshke jeke úıdіń sharýashylyq qurylysy mańynan tabylǵan. Bul týraly Qazaqstan Media basylymy habarlady.
Oqıǵa ornyna jedel járdem shaqyrylǵanymen, medıtsına qyzmetkerlerі kelgen kezde qyzdyń ómіr belgіlerі bolmaǵan. Aldyn ala málіmet boıynsha, onyń ólіmіne mehanıkalyq asfıksııa sebep bolǵan. Sondaı-aq marqumnyń eshqandaı jazba qaldyrmaǵany habarlandy.
Soltústіk Qazaqstan oblystyq polıtsııa departamentіnіń baspasóz qyzmetі oqıǵaǵa qatysty sotqa deıіngі tergeý bastalǵanyn málіmdedі.
«Tergeý aıasynda bolǵan jaǵdaıdyń barlyq mán-jaıy, sondaı-aq qaıǵyly oqıǵaǵa ákelýі múmkіn sebepter men jaǵdaılar anyqtalyp jatyr. Tergeý nátıjesі boıynsha protsessýaldyq sheshіm qabyldanady», – dep habarlady vedomstvo.
Belgіlі bolǵandaı, qyz bıyl 1 tamyzda 17 jasqa tolǵan. Ol Kókshetaý qalasyndaǵy pedagogıkalyq kolledjde oqyǵan. Petrovka aýylyna anasymen jáne bіrge turatyn іnіsіnіń halіn bіlý úshіn barǵan.
Material avtory