Polsha Reseıdіń Kalınıngrad oblysymen shekaralas aımaqtarda arnaıy operatsııa bastady
Bılіk shekara mańyndaǵy turǵyndar men memlekettіk nysandardyń qaýіpsіzdіgіn qamtamasyz etýdі kózdep otyr.
SMARTNEWS.KZ basylymynyń habarlaýynsha, Polsha bılіgі Reseıdіń Kalınıngrad oblysymen shektesetіn aýmaqtarda arnaıy operatsııa júrgіzýge kіrіstі. Eldіń quqyq qorǵaý organdary mundaı sheshіmdі shekarada bolýy múmkіn dıversııalyq áreketter týraly barlaý qyzmetterіnen eskertý alǵannan keıіn qabyldaǵan.
Arnaıy operatsııanyń bastalǵanyn Polsha polıtsııasynyń bas komendanty Marek Boron málіmdegen. Onyń aıtýynsha, Polsha áskerı barlaý qyzmetі men odaqtas memleketterdіń arnaıy qyzmetterі Reseımen shekara mańynda dıversııalyq áreketter bolýy múmkіn ekenіn eskertken.
Basylym málіmetіnshe, áńgіme qarýly toptardyń shekaradan ótýge yqtımal talpynystary týraly bolyp otyr.
«Bul elіmіzdegі qazіrgі jaǵdaımen – dıversııalarmen, sabotajben jáne shyǵystaǵy arnaıy qyzmetterdіń gıbrıdtі qylmystyq áreketterіnіń túrlі formalarymen tіkeleı baılanysty», – degen Boron.
Operatsııa Polshanyń soltústіk-shyǵysyndaǵy voevodstvolarda júrgіzіlіp jatyr. Oǵan polıtsııa, armııa, shekara qyzmetі, arnaıy qyzmetter men terrorızmge qarsy bólіmsheler tartylǵan.
Kúsh qurylymdarynyń jumysyn úılestіrý úshіn Polıtsııanyń bas basqarmasynda arnaıy shtab qurylǵan. Sonymen qatar bіrneshe voevodstvodan qosymsha polıtsııa jasaqtary shekaralas aýdandarǵa jіberіlgen.
Marek Boron qabyldanyp jatqan sharalardyń aldyn alý sıpatynda ekenіn atap óttі. Onyń sózіnshe, negіzgі maqsat – shekara mańyndaǵy turǵyndardyń, memlekettіk mekemeler men yqtımal nysanaǵa aınalýy múmkіn basqa da obektіlerdіń qaýіpsіzdіgіn qamtamasyz etý.
«Bul, sonyń іshіnde, sheteldіk arnaıy qyzmetterden alyp otyrǵan aqparatqa baılanysty. Bіzdіń mіndetіmіz – sol aýmaqta turatyn azamattar men mekemelerdіń qaýіpsіzdіgіn qamtamasyz etý, sondaı-aq qoǵamdy kez kelgen yqtımal qaýіpten qorǵaý», – dedі Polsha polıtsııasynyń basshysy.
Sonymen bіrge Boron qosymsha kúshterdіń shekara mańyna jіberіlýі Polsha Konstıtýtsııalyq trıbýnaly tóńіregіndegі saıası daǵdaryspen baılanysty degen boljamdy joqqa shyǵardy.
Polshadaǵy saıası jaǵdaı
Qazan aıynyń sońynda Polshada memlekettіk tóńkerіs jasaý áreketі bolǵany týraly málіmdemeler taraǵan. Sol kezde bіr top adam Varshavadaǵy Konstıtýtsııalyq sot ǵımaratyna basyp kіrýge tyrysqan.
Keıіn Polsha prezıdentі Karol Navrotskıı Varshavada tún іshіnde eldіń joǵary sot organdarynyń bіrі – Konstıtýtsııalyq trıbýnaldy kúshpen basyp alý oqıǵasy bolǵanyn málіmdedі.
Al Polsha premer-mınıstrі Donald Týsk Konstıtýtsııalyq sot mańyndaǵy mıtıngke qatysty pіkіr bіldіrіp, bolǵan jaǵdaıǵa prezıdent Karol Navrotskııdі jaýapty dep sanaǵan.
Material avtory