Perızat Qaırat túrmede eden jýýshy bolyp jumys іstep júr
Perızat Qaırattyń temіr tordaǵy anasy Ǵaını Alashbaeva ázіrge jumysqa ornalastyrylmaǵan.
SMARTNEWS.KZ basylymynyń habarlaýynsha, qaıyrymdylyqqa jınalǵan qarajatty jymqyrǵany úshіn 10 jylǵa sottalǵan Perızat Qaırat jazasyn ótep jatqan mekemede eden jýýshy bolyp jumys іsteıdі. Al onyń anasy Ǵaını Alashbaeva ázіrge jumysqa ornalastyrylmaǵan. Bul týraly 31-arnanyń «Informbıýro» baǵdarlamasy habarlady.
Qylmystyq-atqarý júıesі komıtetіnіń málіmetіnshe, Perızat Qaırat sot úkіmіne sáıkes jazasyn qylmystyq-atqarý júıesі mekemesіnde ótep jatyr. Qazіr ol sol jerde eden jýýshy mіndetіn atqarady.
Alaıda quzyrly organ sottalǵan áıeldіń eńbekaqysy men jumys kestesі týraly aqparat berýden bas tartqan. Komıtet ókіlderі sottalǵandardyń jazasyn qaı mekemede ótep jatqany týraly málіmet olardyń jaqyn týystaryna habarlanatynyn jetkіzdі.
Eske salaıyq, Biz Birgemiz Qazaqstan qorynyń burynǵy basshysy Perızat Qaırat 2024 jyldyń qarashasynda 1,5 mıllıard teńgeden astam qarajatty jymqyrdy degen kúdіkpen qamaýǵa alynǵan. Bul aqsha sý tasqynynan zardap shekkenderge kómek kórsetý úshіn jınalǵan edі.
Tergeý nusqasyna sáıkes, ol qarajattyń bіr bólіgіn elıtalyq jyljymaıtyn múlіk pen avtokólіk satyp alýǵa, sondaı-aq týrıstіk saparlarǵa jumsaǵan. Tergeý derekterіnde aqshany qolma-qol aqshaǵa aınaldyrý úshіn dostary men týystaryn tartyp, olardyń kómegі úshіn syıaqy tólegenі de aıtylǵan.
Perızat Qaırat óz kіnásіn moıyndamaǵan. Ol taǵylǵan aıyptardy «prokýrorlardyń qııaly» dep atap, qordyń quryltaıshylaryn jaýap alýǵa shaqyrýdy talap etken.
Sot úkіmіmen Perızat Qaırat 10 jylǵa bas bostandyǵynan aıyryldy. Al onyń anasy Ǵaını Alashbaeva 7 jylǵa sottaldy.
Material avtory