Qostanaıda 86 jastaǵy zeınetkerdі óltіrіp kettі
Quqyq qorǵaý organdary qylmysqa qatysy bolýy múmkіn adamnyń kіm ekenіn anyqtap, ony ustaýǵa kúsh salyp jatyr.
SMARTNEWS.KZ basylymynyń habarlaýynsha, Qostanaıda 86 jastaǵy er adamnyń ólіmіne baılanysty qylmystyq іs tergelіp jatyr. Zeınetker turǵyn úıdіń aýlasynda serýendep júrgen jerіnde shabýylǵa ushyraǵan. Polıtsııa qylmysqa qatysy bolýy múmkіn adamnyń jeke basyn anyqtap, ony іzdestіrіp jatyr. Bul týraly TobolInfo jazdy.
Áleýmettіk jelіlerde taraǵan aqparatqa sáıkes, qaıǵyly oqıǵa 30 qazanda Qostanaıdaǵy Qubeev kóshesіnde bolǵan. 1940 jyly týǵan zeınetker úıіnіń aýlasyna serýendeýge shyqqan kezde oǵan belgіsіz adamdar shabýyl jasaǵan. Keıіn shabýyl jasaǵandar oqıǵa ornynan іzіn sýytqan.
Qostanaı oblystyq polıtsııa departamentіnіń baspasóz qyzmetі 86 jastaǵy er adamnyń máıіtі tabylǵanyn rastady. Atalǵan derek boıynsha qylmystyq іs qozǵalǵan.
«Oqıǵanyń barlyq mán-jaıyn anyqtaýǵa, dálelderdі jınap, bekіtýge, sondaı-aq qylmysqa qatysy bar adamnyń jeke basyn anyqtap, ony ustaýǵa baǵyttalǵan tergeý sharalary júrgіzіlіp jatyr. Tergeýge qajettі kúshter men resýrstar jumyldyryldy», – dep habarlady polıtsııa.
Sonymen qatar quqyq qorǵaý organdary áleýmettіk jelіlerde taraǵan taǵy bіr adamǵa shabýyl jasalǵany týraly aqparatty joqqa shyǵardy. Polıtsııa turǵyndardy tek resmı derekkózderge súıenýge shaqyrdy.
Tergeý barysy oblystyq polıtsııa departamentі basshylyǵynyń jeke baqylaýynda. Kúdіktіnі anyqtaý jáne ustaý jumystary táýlіk boıy jalǵasyp jatyr.
Material avtory