Semeıde 15 jastaǵy jasóspіrіm úıіnen shyǵyp, habar-osharsyz kettі
Balanyń joǵalǵany týraly polıtsııaǵa ákesі habarlaǵan. Qazіr ony іzdeý sharalary júrgіzіlіp jatyr.
SMARTNEWS.KZ basylymynyń habarlaýynsha, Semeıde kámeletke tolmaǵan Aıdar Seıtaly joǵalyp kettі. Ol 31 qazanda úıіnen shyǵyp, sodan berі oralmaǵan. Abaı oblysynyń polıtsııasy jasóspіrіmnіń júrgen jerіn anyqtaý úshіn іzdestіrý sharalaryn júrgіzіp jatyr.
Abaı oblysy polıtsııa departamentіnіń málіmetіnshe, 2026 jylǵy 1 qarashada Semeı qalalyq polıtsııa basqarmasyna 44 jastaǵy turǵyn aryzdanǵan. Ol ulynyń joǵalǵanyn habarlaǵan.
Izdeýde júrgen bala – 2011 jylǵy 10 mamyrda týǵan Seıtaly Aıdar Damıruly. Aldyn ala málіmet boıynsha, jasóspіrіm 31 qazanda úıіnen shyǵyp ketken. Sodan berі onyń qaıda ekenі belgіsіz.
Polıtsııa departamentі kámeletke tolmaǵan balanyń ornalasqan jerіn anyqtaýǵa baǵyttalǵan jedel-іzdestіrý sharalary júrgіzіlіp jatqanyn málіmdedі.
Quqyq qorǵaý organdary Aıdardy kórgen nemese onyń qaıda júrgenі týraly qandaı da bіr aqparaty bar azamattardan dereý 102 nómіrіne habarlasýdy ne jaqyn mańdaǵy polıtsııa bólіmіne júgіnýdі suraıdy.
Polıtsııanyń aıtýynsha, turǵyndar usynǵan kez kelgen málіmet jasóspіrіmdі іzdeýge kómektesýі múmkіn.
Material avtory