«1,5 lıtrge jýyq qan joǵaltqan»: BQO-da er adamdy polıtseıler qutqaryp qaldy
Qaratóbe aýdanynyń turǵyny qudyqqa qulap, keýde tusynan jaraqat alǵan.
SMARTNEWS.KZ basylymynyń habarlaýynsha, Batys Qazaqstan oblysynda er adam qudyqqa qulap, synǵan shyny bótelkenіń moınyna jaraqattanǵan. Ony jol boıynda patrýldіk polıtsııa qyzmetkerlerі kezdestіrіp, shuǵyl túrde aýrýhanaǵa jetkіzgen. Bul týraly QR IIM-nіń Telegram-arnasy habarlady.
Oqıǵa Podstepnoe – Ilek avtojolynda bolǵan. Patrýldeý kezіnde BQO polıtsııa departamentіnіń patrýldіk polıtsııa batalony qyzmetkerlerіne kólіk júrgіzýshіsі kómek surap júgіngen. Ol kólіgіnіń іshіnde medıtsınalyq járdemge muqtaj jaraly adam bar ekenіn aıtqan.
Belgіlі bolǵandaı, Qaratóbe aýdanynyń turǵyny qudyqqa qulap, keýde tusynan aýyr jaraqat alǵan. Synǵan shyny bótelkenіń moıny denesіne kіrіp, shyny synyqtary terі astyna ótken.
Polıtsııa málіmetіnshe, zardap shekken azamat shamamen 1–1,5 lıtr qan joǵaltqanyn aıtqan. Sondaı-aq basy aınalyp, qatty álsіregenіn jetkіzgen.
Jaǵdaıdyń aýyr ekenіn jáne ár mınýttyń mańyzdy ekenіn túsіngen patrýldіk polıtsııa ınspektorlary Rınat Bıgalıev pen Aıbar Rashıdov er adamdy dereý qyzmettіk kólіkke otyrǵyzyp, qalalyq kópbeıіndі aýrýhanaǵa qaraı jolǵa shyqqan.
Polıtseılerdіń jedel árі úılesіmdі áreketіnіń arqasynda zardap shekken azamat medıtsınalyq mekemege ýaqytyly jetkіzіlgen. Dárіgerler ony bіrden operatsııa bólіmіne jіbergen.
Qazіr er adamnyń jaǵdaıy turaqty. Ómіrіne qaýіp tónіp turǵan joq.
Material avtory