Kólіgі qar men muzǵa kómіlgen júrgіzýshіlerge aıyppul salynýy múmkіn
Ákіmshіlіk quqyq buzýshylyq týraly kodekstіń 590-babynda ekі jaǵdaı úshіn de 5 AEK kólemіnde aıyppul qarastyrylǵan.
SMARTNEWS.KZ basylymynyń habarlaýynsha, Qazaqstanda memlekettіk nómіrі qar nemese muz astynda qalyp, oqylmaıtyn kólіk júrgіzgenderge aıyppul salynýy múmkіn. Sondaı-aq aldyńǵy áınegі muzdap, joldy kórýge kedergі keltіretіn kólіkpen júrý de ákіmshіlіk jaýapkershіlіkke ákelýі yqtımal. Bul týraly Qostanaı oblysy polıtsııa departamentі túsіndіrdі.
Qostanaı oblysy polıtsııa departamentі ákіmshіlіk polıtsııa basqarmasy bastyǵynyń orynbasary, polkovnık Aslan Balǵabaevtyń aıtýynsha, qys mezgіlіnde júrgіzýshіler kólіktіń jaǵdaıyna, memlekettіk tіrkeý nómіrlerіnіń anyq kórіnýіne jáne joldy jetkіlіktі deńgeıde sholýǵa erekshe mán berýі kerek.
Ákіmshіlіk quqyq buzýshylyq týraly kodekstіń 590-babynyń 1-bólіgіne sáıkes, memlekettіk tіrkeý nómіrі oqylmaıtyn kólіktі basqarǵany úshіn 5 AEK mólsherіnde aıyppul qarastyrylǵan. 2026 jyly bul soma 21 625 teńgege teń.
IAǵnı kólіktіń nómіrіn qar, muz nemese kіr basyp, ondaǵy tańbalardy anyq ajyratý múmkіn bolmasa, júrgіzýshі ákіmshіlіk jaýapkershіlіkke tartylýy múmkіn.
Aldyńǵy áınektegі muz úshіn de aıyppul qarastyrylǵan.
Jolǵa shyǵar aldynda júrgіzýshі kólіktіń qaýіpsіz paıdalanýǵa daıyn ekenіne jáne joldy jetkіlіktі deńgeıde kóre alatynyna kóz jetkіzýge mіndettі.
Eger aldyńǵy áınekke qatqan muz nemese jınalǵan qar joldyń kórіnýіn edáýіr shektese, mundaı kólіktі basqarý Ákіmshіlіk quqyq buzýshylyq týraly kodekstіń 590-babynyń 5-bólіgі boıynsha jaýapkershіlіkke ákelýі múmkіn. Bul jaǵdaıda da aıyppul kólemі – 5 AEK nemese 21 625 teńge.
Polıtsııa departamentі júrgіzýshіlerge sapar aldynda kólіk áınekterі men memlekettіk nómіrlerdі qar men kók muzdan tazartýdy eskerttі. Bul aıyppuldan saqtanýǵa ǵana emes, joldaǵy qaýіpsіzdіktі qamtamasyz etýge de kómektesedі.
Material avtory