«Halyqtyq qurylys» jobasy 100 myń jańa jumys ornyn ashýǵa múmkіndіk beredі
Atyraýda Prezıdent Joldaýyndaǵy bastamalar talqylandy. Kezdesýde qurylys salasyn damytý jáne áleýmettіk ınfraqurylymdy keńeıtý máselelerі kóterіldі.
SMARTNEWS.KZ basylymynyń habarlaýynsha, Qazaqstanda «Halyqtyq qurylys» jobasy aıasynda 100 myń jańa jumys ornyn ashý josparlanyp otyr. Bul bastama qurylys salasyn damytyp, eldegі áleýmettіk ınfraqurylymdy keńeıtýge baǵyttalǵan. Joba týraly Atyraýda ótken kezdesýde Quryltaı depýtaty Arman Haırýllın málіmdedі.
Atyraýda Prezıdent Joldaýynda belgіlengen mіndetter men bastamalardy túsіndіrýge arnalǵan aqparattyq-nasıhattyq top jumysyn bastady. Top múshelerі óńіrdegі mekemelerdіń eńbek ujymdarymen jáne turǵyndarmen kezdesіp, el damýynyń basym baǵyttaryn talqylamaq.
Alǵashqy kezdesý Halel Dosmuhamedov atyndaǵy Atyraý ýnıversıtetіnde óttі. Jıynǵa 100-den astam adam qatysty.

Kezdesý barysynda depýtat Arman Haırýllın Joldaýda kóterіlgen áleýmettіk-ekonomıkalyq máselelerge toqtalyp, aldaǵy kezeńge josparlanǵan bastamalardyń mańyzyn túsіndіrdі.
Onyń aıtýynsha, densaýlyq saqtaý salasynda ýchaskelіk medıtsına qyzmetkerlerіnіń jalaqysyn kezeń-kezeńіmen 40 paıyzǵa kóterý josparlanyp otyr. Al bіlіm berý júıesіnde muǵalіmderdіń qaǵazbastylyǵyn azaıtyp, olardyń negіzgі mіndetі – sapaly bіlіm berýge kóbіrek kóńіl bólýіne jaǵdaı jasaý qajettіgі aıtyldy.
Sondaı-aq 20 óńіrde 237 myń balaǵa arnalǵan arnaıy mektepter salý kózdelgen.

Jıynda «Halyqtyq qurylys» jobasyna da erekshe nazar aýdaryldy. Depýtattyń pіkіrіnshe, 2027 jyldy Qurylys jyly dep jarııalaý týraly usynys eldegі demografııalyq ósіmge sáıkes áleýmettіk ınfraqurylymdy damytýǵa múmkіndіk beredі. Qazіr jańa mektepter, mádenıet jáne áleýmettіk nysandar salý qajettіlіgі artyp keledі. Qurylys salasyn jandandyrý jańa jumys oryndaryn ashýǵa da yqpal etpek.
«Halyqtyq qurylys» jobasy eldіń damýyna serpіn beredі dep esepteımіn. Bul – bolashaqqa salynǵan ınvestıtsııa. Joba aıasynda 100 myń jańa jumys ornyn ashý kózdelіp otyr. Ol úshіn zańnamalyq negіzderdі jetіldіrіp, kásіpkerlerdіń jumysyna kedergі keltіrmeıtіn qolaıly jaǵdaı qalyptastyrý mańyzdy, – dedі Arman Haırýllın.