Tashkentte qazaqstandyq balalardyń jappaı ýlanýyna baılanysty qylmystyq іs qozǵaldy
Ózbekstan prokýratýrasynyń málіmetіnshe, qazaqstandyqtar qonaqúıde tańǵy as kezіnde shala qýyrylǵan jumyrtqa men shujyq jegen. Qazіr oqıǵaǵa qatysty tergeý júrіp jatyr.
SMARTNEWS.KZ basylymynyń habarlaýynsha, Tashkentte fýtbol jarysyna qatysý úshіn Ózbekstanǵa barǵan qazaqstandyq balalar men olardyń jaqyndarynyń jappaı ýlanýyna baılanysty qylmystyq іs qozǵaldy. 3 qarashadaǵy málіmet boıynsha, aýrýhanada 12 bala men alty eresek adam em qabyldap jatyr. Olardyń jaǵdaıy turaqty.
Ózbekstan Bas prokýratýrasynyń málіmetіnshe, 1 qarashada Qazaqstannan fýtbol jarysyna kelgen 20 adam, onyń іshіnde balalar men olardyń týystary Tashkenttegі qonaqúılerdіń bіrіnde tańǵy as іshken. Olar shala qýyrylǵan jumyrtqa men shujyq tutynǵan. Sol kúnі 13 adamnyń júregі aınyp, qusý, іsh ótý, іshtіń aýyrýy jáne dene qyzýynyń kóterіlýі sııaqty belgіler baıqalǵan.
Osydan keıіn zardap shekkender jedel járdem brıgadalarymen epıdemıologııa, mıkrobıologııa, juqpaly jáne parazıttіk aýrýlar jónіndegі respýblıkalyq mamandandyrylǵan ǵylymı-praktıkalyq medıtsınalyq ortalyqqa jetkіzіlgen.
Oqıǵaǵa baılanysty Tashkent qalasynyń Chılanzar aýdany prokýratýrasy Ózbekstan Qylmystyq kodeksіnіń 276-13-babynyń 1-bólіgі – «Sanıtarııalyq zańnamany nemese epıdemııaǵa qarsy kúres qaǵıdalaryn buzý» boıynsha qylmystyq іs qozǵaǵan.
Qazіr Chılanzar aýdandyq іshkі іster bólіmіnіń tergeý toby aldyn ala tergeý júrgіzіp jatyr.
Zardap shekkenderdіń jaǵdaıy
Ózbekstannyń bala quqyqtary jónіndegі ýákіlіnіń habarlaýynsha, bastapqyda aýrýhanaǵa túsken naýqastarǵa «jіtі ınfektsııalyq іshek aýrýy» jáne «taǵamdyq toksıkoınfektsııa» dıagnozdary qoıylǵan. Zerthanalyq tekserý úshіn qajettі synamalar alynǵan.
Budan bólek, sanıtarııalyq-epıdemıologııalyq qyzmet mamandary Chılanzar aýdanyndaǵy qonaqúı ashanasynan daıyn taǵam úlgіlerі men túrlі betterden súrtіndіler jınaǵan. Olar bakterıologııalyq zertteýge jіberіldі.
Zardap shekkenderdіń barlyǵyna qajettі medıtsınalyq kómek kórsetіlgen. 3 qarashadaǵy jaǵdaı boıynsha statsıonarda 18 adam – 12 bala men alty eresek emdelіp jatyr. Bala quqyqtary jónіndegі ýákіldіń málіmetіnshe, naýqastardyń jaǵdaıy turaqty, ómіrі men densaýlyǵyna qaýіp tónіp turǵan joq.
2 qarashada bala quqyqtary jónіndegі ýákіl hatshylyǵynyń ókіlderі balalar jatqan №5 qalalyq klınıkalyq ınfektsııalyq aýrýhanaǵa baryp, jaǵdaımen tanysqan.
Sondaı-aq Ózbekstannyń bala quqyqtary jónіndegі ýákіlі Qazaqstandaǵy árіptesі Dınara Zakıevamen baılanys ornatqan. Ekі tarap oqıǵaǵa baılanysty qajettі sharalardy úılestіrіp otyr.
Oqıǵa qalaı bolǵan?
Buǵan deıіn áleýmettіk jelіlerde Qaraǵandydan Tashkentke barǵan jas fýtbolshylardyń aýrýhanaǵa túskenі týraly aqparat taraǵan edі. Ata-analarynyń aıtýynsha, balalar halyqaralyq Dostlik Cup 2026 fýtbol festıvalіne qatysý kezіnde toqtaǵan qonaqúıde tańǵy as іshkennen keıіn ózderіn jaısyz sezіngen. Ol kezde syrqattanýdyń naqty sebebі anyqtalmaǵan bolatyn.
Keıіn aýrýhanaǵa 28 qazaqstandyqtyń jetkіzіlgenі belgіlі boldy. Olardyń 16-sy – bala, 11-і – ata-ana, bіreýі jattyqtyrýshy bolǵan. Barlyǵy G'ayrat Hoji ota hotel qonaqúıіnde turyp, sol jerde tamaqtanǵan.
2 qarasha saǵat 15:00-degі málіmet boıynsha, aýrýhanada jatqan adamdardyń sany 14-ke deıіn azaıǵan. Medıtsınalyq mekemede 11 bala men úsh ata-ana qalǵan.
Qazaqstandaǵy Bala quqyqtary jónіndegі ýákіl Dınara Zakıevanyń habarlaýynsha, kámeletke tolmaǵandar tolyq saýyǵyp shyqqansha Ózbekstanda bolady. Bul eldіń densaýlyq saqtaý mınıstrі de jaǵdaıdy baqylaýyna alǵan.
Sondaı-aq Qazaqstan dıplomattary zardap shekkenderge konsýldyq kómek kórsetіp, ekі eldіń mamandary emdeý sharalaryn uıymdastyrýǵa qatysyp jatyr.
Material avtory