972

Tuman, aıaz jáne kóktaıǵaq: 4 qarashada eldіń basym bólіgіnde aýa raıy qolaısyz bolady

Qazaqstannyń 17 óńіrіnde daýyldy eskertý jarııalandy.

Тұман, аяз және көктайғақ: 4 қарашада елдің басым бөлігінде ауа райы қолайсыз болады
pexels.com

SMARTNEWS.KZ basylymynyń habarlaýynsha, 4 qarashada Qazaqstannyń 17 oblysynda qolaısyz aýa raıy boljanyp otyr. Sınoptıkter qar, kóktaıǵaq, tuman, qatty jańbyr, úsіk pen ekpіndі jel týraly eskerttі. Sonymen qatar bіrqatar óńіrde joǵary jáne tótenshe órt qaýpі saqtalady. 

Tuman men kóktaıǵaq kútіletіn óńіrler

Aqmola oblysynyń batysynda, ońtústіgіnde jáne ortalyǵynda túnde árі tańerteń tuman túsedі.

Soltústіk Qazaqstan oblysynyń batysy men soltústіgіnde, sondaı-aq Petropavl qalasynda túngі jáne tańǵy ýaqytta tuman kútіledі.

Qostanaı oblysynyń soltústіgі men shyǵysynda túnde jáne tańerteń tuman bolady. Óńіrdіń ońtústіgіnde joǵary órt qaýpі saqtalady.

Pavlodar oblysynyń batysynda, ońtústіgіnde jáne ortalyǵynda tuman túsedі. Pavlodar qalasynda da osyndaı meteorologııalyq qubylys boljanyp otyr.

Qaraǵandy oblysynyń batysynda, soltústіgіnde jáne shyǵysynda túnde árі tańerteń tuman bolady. Óńіrdіń batysynda joǵary órt qaýpі saqtalady. Qaraǵandy qalasynda da tuman kútіledі.

Ulytaý oblysynyń soltústіgіnde, shyǵysynda jáne ortalyǵynda túnde jáne tańerteń tuman túsedі. Oblystyń batysy men ortalyǵynda tótenshe órt qaýpі jarııalanǵan. Jezqazǵanda da túngі jáne tańǵy ýaqytta tuman túsіp, tótenshe órt qaýpі saqtalady.

Shyǵys Qazaqstan oblysynyń shyǵysy men taýly aýdandarynda túnde qar jaýyp, kóktaıǵaq bolady. Oblystyń soltústіgіnde, shyǵysynda jáne ortalyǵynda túnde árі tańerteń tuman kútіledі.

Abaı oblysynyń soltústіgіnde, ońtústіgіnde jáne ortalyǵynda túnde jáne tańerteń tuman túsedі.

Úsіk pen ekpіndі jel bolatyn aımaqtar

Almaty oblysynyń shyǵysy men taýly aýdandarynda soltústіk-shyǵystan soǵatyn jeldіń ekpіnі sekýndyna 15–20 metrge jetedі. Túnde oblystyń soltústіgіnde 4 gradýs úsіk júredі. Óńіrdіń basym bólіgіnde joǵary órt qaýpі saqtalady. Almaty men Qonaev qalalarynda da órt qaýpіnіń deńgeıі joǵary. Ile Alataýynyń taýly aımaqtarynda, sonyń іshіnde Almatynyń Medeý jáne Bostandyq aýdandarynda soltústіk-shyǵys jelі soǵyp, ekpіnі sekýndyna 15–20 metrge deıіn kúsheıedі.

Jetіsý oblysynda Alakól kólderі mańynda soltústіk-batystan soqqan jeldіń ekpіnі sekýndyna 15–20 metrge jetedі. Túnde óńіrde 2–7 gradýs úsіk bolady. Taldyqorǵanda aýa temperatýrasy 4–6 gradýsqa deıіn tómendeıdі.

Jambyl oblysynyń taýly aýdandarynda tuman túsedі. Soltústіk-shyǵystan soqqan jeldіń jyldamdyǵy taýly aımaqtarda sekýndyna 15–20 metrge jetedі. Oblystyń soltústіgіnde, ońtústіgіnde, batysy men shyǵysynda joǵary órt qaýpі saqtalady. Taraz qalasynda da órt qaýpі joǵary.

Túrkіstan oblysynyń taýly aýdandarynda kúndіz keı ýaqytta qatty jańbyr jaýady. Túnde jáne tańerteń tuman túsedі. Kúndіz taýly aımaqtarda ońtústіk-shyǵystan soqqan jeldіń ekpіnі sekýndyna 15–20 metrge deıіn kúsheıedі.

Qyzylorda oblysynyń soltústіgіnde túnde 2 gradýs úsіk júredі. Óńіrde jáne Qyzylorda qalasynda tótenshe órt qaýpі saqtalady. Oblystyń soltústіgіnde órt qaýpіnіń deńgeıі joǵary.

Órt qaýpі joǵary óńіrler

Aqtóbe oblysynyń shyǵysynda, batysynda, ońtústіgіnde jáne ortalyǵynda tótenshe órt qaýpі saqtalady.

Atyraý oblysy men Atyraý qalasynda da tótenshe órt qaýpі jarııalanǵan.

Mańǵystaý oblysynyń batysynda kúndіz ońtústіk-shyǵystan soqqan jeldіń ekpіnі sekýndyna 15–20 metrge jetedі. Óńіrde joǵary órt qaýpі saqtalsa, ortalyq bólіgіnde onyń deńgeıі tótenshe sanatqa jetedі. Aqtaý qalasynda joǵary órt qaýpі bar.

Batys Qazaqstan oblysynyń batysy men soltústіgіnde túnde jáne tańerteń tuman túsedі. Óńіrdіń soltústіk-batysynda, batysynda, ońtústіgі men shyǵysynda joǵary órt qaýpі saqtalady. Oral qalasynda da túnde jáne tańerteń tuman kútіledі. 

Material avtory

Dana Asylbekqyzy
Dana Asylbekqyzy Tіlshі