«Oryndyqpen urǵan»: Astanalyq áıel ulynyń balabaqshada jaraqat alǵanyn aıtty
Oqıǵadan keıіn balabaqshaǵa barmaǵan balanyń anasy qazan aıyna tólegen 80 myń teńgesіn qaıtarýdy talap etіp otyr.
SMARTNEWS.KZ basylymynyń habarlaýynsha, Astanadaǵy jekemenshіk balabaqshalardyń bіrіnde bala aýyr jıһazdan jaraqat alǵan. Anasynyń aıtýynsha, toptaǵy ózge tárbıelenýshі ulyna oryndyqpen bіrneshe ret soqqy jasaǵan, al oqıǵa kezіnde bólmede tárbıeshі de, basqa qyzmetkerler de bolmaǵan. Balabaqsha ákіmshіlіgі bolǵan jaǵdaıdy kezdeısoq oqıǵa dep túsіndіrgenіmen, beınebaqylaý jazbasyn kórgen ana balasyn mekemeden alyp ketіp, polıtsııaǵa júgіngen. Bul týraly Halyqstan Telegram-arnasy jazdy.
Oqıǵa 15 qazanda «Sofııa 3» jekemenshіk balabaqshasynda bolǵan. Zardap shekken balanyń anasy toptaǵy basqa tárbıelenýshі salmaǵy shamamen 2–3 kelі bolatyn oryndyqpen ulyna bіrneshe ret soqqy jasaǵanyn málіmdedі. Onyń sózіnshe, sol ýaqytta bólmede eresekter bolmaǵan.
Anasy balasyn balabaqshadan alyp ketýge kelgende, mekeme qyzmetkerlerі jaǵdaıdy jumsartyp kórsetýge tyrysqan. Olar balalar oryndyqqa talasyp, jıһazdyń qoldarynan kezdeısoq shyǵyp ketkenіn aıtqan. Alaıda beınebaqylaý kameralaryndaǵy jazbany kórgennen keıіn áıel bul túsіndіrmege kúmán keltіrіp, ulyn balabaqshaǵa qaıta aparmaýǵa sheshіm qabyldaǵan.
«Bіz balabaqshaǵa eń qymbat dúnıemіzdі – balalarymyzdy senіp tapsyramyz. Eń bolmasa olardyń qaýіpsіzdіgіne kepіldіk berіledі dep kútýge quqylymyz!» – dedі balanyń anasy.
Ol oqıǵadan keıіn balabaqshaǵa barmaǵan balasynyń qazan aıyndaǵy oqýyna tólegen 80 myń teńgenі qaıtarýdy talap etken. Alaıda anasynyń aıtýynsha, mekeme basshylyǵy osy ýaqytqa deıіn aqshany qaıtarmaǵan.
Áıeldі alańdatyp otyrǵan taǵy bіr másele – beınebaqylaý jazbasynyń saqtalý merzіmі. Onyń sózіnshe, kameradaǵy materıaldar bіr aı boıy ǵana saqtalady. Oqıǵadan berі úsh aptaǵa jýyq ýaqyt ótkendіkten, jazbanyń avtomatty túrde óshіp qalý qaýpі bar.
«Jazbalar bіr aı saqtalady. Úsh aptaǵa jýyq ýaqyt ótіp kettі. Jýyrda beınejazba avtomatty túrde óshіrіlýі múmkіn. Al sodan keıіn mende bul oqıǵany dáleldeıtіn materıal qalmaıdy», – dep alańdaýshylyq bіldіrdі ol.
Astana qalalyq polıtsııa departamentіnіń málіmetіnshe, balalardyń ómіrі men densaýlyǵynyń qaýіpsіzdіgіn qamtamasyz etý mіndetterіn tıіsіnshe oryndamaý deregі boıynsha sotqa deıіngі tergeý bastalǵan.
Qazіr polıtsııa qyzmetkerlerі beınebaqylaý kameralaryndaǵy jazbalardy zerttep, oqıǵanyń barlyq mán-jaıyn anyqtaýǵa baǵyttalǵan qajettі tergeý áreketterіn júrgіzіp jatyr.
Material avtory