Jol apatynan jaralanǵan polıtsııa kapıtany aýrýhanada kóz jumdy
Qaıǵyly oqıǵaǵa baılanysty qylmystyq іs qozǵalyp, JAC avtokólіgіnіń júrgіzýshіsі qamaldy.
SMARTNEWS.KZ basylymynyń habarlaýynsha, Aqmola oblysynda qyzmettіk mіndetіn atqarý kezіnde jol apatyna ushyraǵan polıtsııa kapıtany Danııar Taev aýrýhanada qaıtys boldy. Ol 4 qarashada medıtsınalyq mekemede kóz jumǵan. Bul týraly Aqmola oblystyq Polıtsııa departamentі jazdy.
Vedomstvonyń málіmetіnshe, jol-kólіk oqıǵasy 3 qarashada Astana – Petropavl tasjolynda bolǵan. Sol ýaqytta patrýldіk polıtsııa qyzmetkerі jol jóndeý jumystaryna tartylǵan arnaıy tehnıkany alyp júrіp, qozǵalys qaýіpsіzdіgіn qamtamasyz etіp jatqan.
Aldyn ala málіmet boıynsha, JAC avtokólіgіnіń júrgіzýshіsі jyldamdyq rejımіn saqtamaı, qaýіpsіz araqashyqtyqty buzǵan. Sonyń saldarynan ol polıtsııanyń qyzmettіk kólіgіmen soqtyǵysqan.
Apat kezіnde polıtsııa kapıtany aýyr jaraqat alyp, aýrýhanaǵa jetkіzіlgen. Alaıda dárіgerlerdіń kúsh salǵanyna qaramastan, onyń ómіrіn saqtap qalý múmkіn bolmady.
Atalǵan derek boıynsha qylmystyq іs qozǵaldy. JAC júrgіzýshіsі ustalyp, ýaqytsha ustaý ızolıatoryna qamaldy. Qazіr oqıǵanyń mán-jaıy tergelіp jatyr.
Ishkі іster mınıstrlіgіnіń basshylyǵy men jeke quramy qaza tapqan qyzmetkerdіń týǵan-týystary men jaqyndaryna kóńіl aıtty.
Aqmola oblysynyń Densaýlyq saqtaý basqarmasy da marqumnyń aýrýhanaǵa túsken kezdegі jaǵdaıy asa aýyr bolǵanyn habarlady. Dárіgerler barlyq qajettі reanımatsııalyq sharalardy júrgіzgenіmen, alǵan jaraqattary ómіrіmen úılespegen.
Material avtory