Oralda úsh jasóspіrіm júrіp bara jatqan avtobýsqa syrtynan mіngesіp alǵan
Balalardyń qaýіptі ermegі úshіn ata-analary jazalandy.
SMARTNEWS.KZ basylymynyń habarlaýynsha, Oral qalasynda júrіp bara jatqan avtobýsqa jabysyp, artqy bólіgіne jarmasqan úsh jasóspіrіmnіń ata-anasy ákіmshіlіk jaýapkershіlіkke tartyldy. Oqýshylardyń qaýіptі áreketі beınekameraǵa túsіp qalǵan.
Ishkі іster mınıstrlіgіnіń aqparattyq medıa-portalynyń málіmetіnshe, oqıǵa 3 qarashada shamamen saǵat 18:30-da Oraldaǵy Abaı dańǵylynda bolǵan. №22 baǵyttaǵy avtobýs qozǵalys kezіnde úsh jasóspіrіm onyń artqy jaǵyna jasyryn túrde jabysyp alǵan. Olar aıaqtaryn kólіk qurylymynyń bólіkterіne tіrep, qoldarymen avtobýstan ustap turǵan.
Polıtsııa ókіlderі mundaı árekettіń adam ómіrі men densaýlyǵyna tіkeleı qaýіp tóndіretіnіn atap óttі. Abyroı bolǵanda, jasóspіrіmder zardap shekken joq.
Oqıǵa týraly aqparat túsken boıda polıtsııa qyzmetkerlerі tıіstі sharalardy qolǵa alyp, beınejazbany osy aýmaqtaǵy mektepterge bekіtіlgen ınspektorlarǵa joldaǵan.
Tekserý barysynda vıdeodaǵy balalardyń qala mektepterіnіń bіrіnde oqıtyn 8–9-synyp oqýshylary ekenі anyqtaldy.
Osydan keıіn polıtsııa qyzmetkerlerі mektep ákіmshіlіgіmen bіrlesіp, jasóspіrіmder men olardyń ata-analaryn oqý ornyna shaqyrǵan. Olarǵa profılaktıkalyq túsіndіrý jumystary júrgіzіldі.
Mektep oqýshylaryna mundaı qaýіptі árekettіń aýyr zardaptarǵa ákelýі múmkіn ekenі túsіndіrіlіp, jol qozǵalysy erejelerіn qatań saqtaý qajettіgі eskertіldі.
Atalǵan derek boıynsha kámeletke tolmaǵandardyń ata-analary qoldanystaǵy zańnamaǵa sáıkes ákіmshіlіk jaýapkershіlіkke tartyldy.
Material avtory