Zelenskıı Tramptyń áıelіne orden tabystady
AQSh-tyń bіrіnshі hanymy 5 qarashada Aq úıde Reseı men Ýkraına ókіlderіmen kezdestі.
SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı AQSh-tyń bіrіnshі hanymy Melanııa Trampty knıagınıa Olga ordenіnіń I dárejesіmen marapattaý týraly sheshіm qabyldady. Bul marapat oǵan Ýkraınaǵa kórsetken gýmanıtarlyq kómegі men ýkraınalyq balalardy qorǵaýǵa baǵyttalǵan qyzmetі úshіn berіlgen. Bul týraly RBK-Ýkraına jazdy.
Basylymnyń habarlaýynsha, marapattaý týraly jarlyqta Melanııa Tramptyń Ýkraınaǵa gýmanıtarlyq qoldaý kórsetýge qosqan eleýlі jeke úlesі, quqyq qorǵaý jáne qaıyrymdylyq baǵytyndaǵy belsendі qyzmetі atap ótіlgen.
«Marapat Ýkraınadaǵy soǵys saldarynan zardap shekken azamattarǵa, zańsyz deportatsııalanǵan jáne Reseı ýaqytsha basyp alǵan aýmaqtardan kúshtep kóshіrіlgen ýkraınalyq balalardy qutqarýǵa baǵyttalǵan gýmanıtarlyq qyzmetі úshіn tabystaldy», – delіngen jarlyq mátіnіnde.
Basylymnyń málіmetіnshe, Melanııa Tramp Herson oblysyndaǵy Oleshkı qalasynda gýmanıtarlyq mıssııanyń júzege asýyna yqpal etken. Sondaı-aq ol turǵyndardy evakýatsııalaý úshіn osy aımaqta ýaqytsha bіtіmge qol jetkіzýge atsalysqan. Nátıjesіnde qaladan shamamen 800 adam qaýіpsіz jerge kóshіrіlgen.
Buǵan qosa, Melanııa Tramp 5 qarashada Aq úıde Reseı men Ýkraına ókіlderіmen kezdesedі dep josparlanyp otyr. Kezdesý barysynda ol Oleshkıdegі ýaqytsha bіtіm máselesіne qatysty sóz sóıleıdі.
Aq úı ókіlderі AQSh-tyń bіrіnshі hanymynyń bul bastamasyn buryn-sońdy bolmaǵan dıplomatııalyq qadam dep baǵalaǵan.
Material avtory