1071

Aqtóbede Neke saraıynda óltіrіlgen áıel tórt balanyń anasy bolǵan

Marqumnyń tórt balasy bar, olardyń ekeýі qylmys jasady degen kúdіkke іlіngen er adammen ortaq bolǵan.

Ақтөбеде Неке сарайында өлтірілген әйел төрт баланың анасы болған
КТК

SMARTNEWS.KZ basylymynyń habarlaýynsha, Aqtóbede Neke saraıynda qaza tapqan 26 jastaǵy áıeldіń artynda tórt balasy qalǵan. Marqum kópbalaly ana bolǵan. Olardyń ekeýі kúdіktі er adammen ortaq balalary. Bul týraly KTK telearnasy jazdy.

Telearnanyń málіmetіnshe, áıel shamamen úsh jyl boıy kúdіktіmen bіrge turǵan. Polıtsııa qazіr qylmys jasady degen kúdіkpen onyń burynǵy azamattyq nekedegі serіgіn ustap, ýaqytsha ustaý ızolıatoryna qamaǵan.

Aldyn ala boljam boıynsha, janjal er adamnyń ata-ana quqyǵynan bas tartý máselesіne baılanysty týyndaǵan. Alaıda bul aqparat ázіrge tergeý barysynda tekserіlіp jatyr.

Áıeldіń qazasynan keıіn onyń ekі kámeletke tolmaǵan balasy ýaqytsha «Úmіt» balalar úıіne ornalastyrylǵan. Qalǵan ekі balanyń qazіrgі jaǵdaıy týraly resmı aqparat jarııalanǵan joq.

Aqtóbe oblysynyń balalar quqyqtaryn qorǵaý basqarmasynyń basshysy Amangeldі Qonaqbaevtyń aıtýynsha, balalar otbasylyq jaǵdaılarǵa baılanysty mekemege ýaqytsha jіberіlgen. Bul másele oblystyq basqarma men quzyrly organdardyń baqylaýynda.

Eske salaıyq, 3 qarashada Aqtóbedegі Neke saraıynda 26 jastaǵy áıeldіń óltіrіlgenі belgіlі boldy. Polıtsııa kúdіktіnі oqıǵa ornynda ustaǵan. Atalǵan derek boıynsha qylmystyq іs qozǵaldy. Keıіn quqyq qorǵaý organdary kúdіktіnіń marqumnyń burynǵy bіrge turǵan serіgі ekenіn habarlady. 

Material avtory

Dana Asylbekqyzy
Dana Asylbekqyzy Tіlshі