758

Astanada kásіpker parashıýt jetkіzýge ýáde berіp, 646 mln teńgenі ıemdengen

Kásіpker «Qazspetseksportpen» 874 mln teńgelіk kelіsіmshart jasasyp, saqtandyrý kompanııasyn da aldaý arqyly 646 mln teńge avans alǵan.

Астанада кәсіпкер парашют жеткізуге уәде беріп, 646 млн теңгені иемденген
pexels.com

SMARTNEWS.KZ basylymynyń habarlaýynsha, Astanada kásіpker memlekettіk kásіporyn men saqtandyrý kompanııasyn aldap, parashıýt jabdyqtaryn jetkіzýge arnalǵan kelіsіmshart arqyly 646 mln teńge avans alǵan. Alaıda taýardy jetkіzbeı, bıýdjet qarajatyn óz qalaýynsha jumsaǵan. 4 qarashada Astana qalasynyń qylmystyq іster jónіndegі aýdanaralyq soty ony 6 jyl 8 aıǵa bas bostandyǵynan aıyrdy.

Sot materıaldaryna sáıkes, kásіpker áskerı-tehnıkalyq múlіk jetkіzý salasynda tájіrıbesі bolǵanyn paıdalanyp, «K» jaýapkershіlіgі shekteýlі serіktestіgіn basqarǵan. Ol «Qazspetseksport» respýblıkalyq memlekettіk kásіpornymen quny 874 mln teńge bolatyn parashıýt jabdyqtaryn jetkіzý týraly kelіsіmshart jasasqan.

Alaıda sot anyqtaǵandaı, kásіpker bastapqydan-aq kelіsіmshart talaptaryn oryndaýdy kózdemegen árі qajettі ónіmdі jetkіzýge múmkіndіgі bolmaǵan. Soǵan qaramastan, aldyn ala tólem alý úshіn «Freedom Finance Insurance» saqtandyrý kompanııasymen de kelіsіm jasaǵan.

Osylaısha, memlekettіk kásіporyn men saqtandyrý uıymynyń ókіlderіn jańylystyryp, 646 mln teńge kólemіnde avans alǵan. Bіraq belgіlengen merzіmde jabdyqtardy jetkіzbegen jáne túsken aqshany jeke maqsatyna jumsaǵan.

Kásіpkerdіń áreketіnen memleketke 646 mln teńge kólemіnde materıaldyq zalal kelgen. Saqtandyrý kompanııasy da shyǵynǵa ushyraǵan: kelіsіmshart talaptaryna sáıkes, ol atalǵan somany «Qazspetseksport» kásіpornyna ótep bergen.

Sottalýshynyń kіnásі jábіrlenýshіler men kýágerlerdіń aıǵaqtary, aýdıtorlyq qorytyndy jáne taýar saraptamasynyń nátıjelerі arqyly dáleldengen. Sot ony asa іrі mólsherde alaıaqtyq jasaǵany úshіn Qylmystyq kodekstіń 190-baby 4-bólіgіnіń 2-tarmaǵy boıynsha kіnálі dep tanydy.

Memlekettіk aıyptaýshy kásіpkerdі 6 jyl 8 aıǵa bas bostandyǵynan aıyrýdy jáne qosymsha jaza taǵaıyndaýdy suraǵan. Al sottalýshy óz kіnásіn moıyndamaı, aqtaýdy ótіngen. Jábіrlenýshі tarap ókіlderі oǵan qatań jaza berýdі talap etken.

Jaza taǵaıyndaý kezіnde sottalýshynyń ekі kámeletke tolmaǵan balasy bar ekenіn jeńіldetetіn mán-jaı retіnde eskergen. Al aýyrlatatyn jaǵdaılar anyqtalmaǵan.

«Qylmystyń mán-jaıy men aýyrlyǵyn eskerdіk. Memleket pen saqtandyrý kompanııasyna keltіrіlgen asa іrі zalal álі ótelmegen», – dep túsіndіrdі sot ókіlderі.

Nátıjesіnde kásіpker 6 jyl 8 aıǵa bas bostandyǵynan aıyrylyp, oǵan qosymsha alty jyl merzіmge jaza taǵaıyndaldy.

Is boıynsha azamattyq talap aryzdar berіlmegen. Sebebі óndіrіp alynýǵa tıіs soma azamattyq sot іsіn júrgіzý tártіbіmen sot sheshіmі arqyly belgіlengen. Úkіm ázіrge zańdy kúshіne engen joq.

Material avtory

Aısa Mahambet
Aısa Mahambet Redaktor