Rýdnyıda 19 jastaǵy jіgіttі óltіrgen ekі turǵyn sottaldy
200 myń teńge úshіn týǵan janjal kіsі ólіmіmen aıaqtalǵan kórіnedі.
SMARTNEWS.KZ basylymynyń habarlaýynsha, Qostanaı oblysynda Rýdnyı qalasynyń ekі turǵyny 19 jastaǵy jіgіttі turǵyn úıdіń kіreberіsіnde óltіrgenі úshіn sottaldy. Qylmystan keıіn olar oqıǵa ornynan ketіp, Kókshetaý qalasyna jasyrynǵan. Sot aıyptalýshylardyń bіrіn 9 jylǵa, ekіnshіsіn 2 jyl 8 aıǵa bas bostandyǵynan aıyrdy.
Qylmystyq іs Qostanaı oblysynyń mamandandyrylǵan aýdanaralyq qylmystyq іster jónіndegі sotynda qaralǵan.
Sot málіmetіnshe, oqıǵa 2026 jylǵy 23 qańtarǵa qaraǵan túnі Rýdnyı qalasyndaǵy P. Korchagın kóshesіnde ornalasqan turǵyn úılerdіń bіrіnіń kіreberіsіnde bolǵan. Janjal buǵan deıіn týyndaǵan kıkіljіńnen bastalǵan. Marqum kúdіktіlerden 200 myń teńge talap etken.
Tergeý materıaldary boıynsha, A. esіmdі sottalýshy jіgіttі óltіrý maqsatynda oǵan bіrneshe ret pyshaq jaraqatyn salǵan. Alǵan jaraqattary ómіrіmen úılespegendіkten, 19 jastaǵy jіgіt oqıǵa ornynda kóz jumǵan.
Osy ýaqytta bіr qabat tómende bolǵan kámeletke tolmaǵan B. qylmystyń jasalǵanyn bіle tura, quqyq qorǵaý organdaryna habar bermegen. Keıіn ekі sottalýshy da oqıǵa ornynan ketіp, Kókshetaý qalasyna jasyrynǵan.
Sot jaza taǵaıyndaý kezіnde jábіrlenýshіnіń qylmysqa túrtkі bolǵan quqyqqa qaıshy áreketіn jeńіldetetіn mán-jaı retіnde eskergen.
Nátıjesіnde A. ortasha qaýіpsіzdіk mekemesіnde 9 jylǵa bas bostandyǵynan aıyryldy. Al kámeletke tolmaǵan B.-ǵa kámeletke tolmaǵandardy ustaýǵa arnalǵan ortasha qaýіpsіzdіk mekemesіnde 2 jyl 8 aı jazasyn óteý belgіlendі.
Sonymen qatar sot A. esіmdі sottalýshydan marqumnyń ákesі men aǵasynyń paıdasyna moraldyq zııan ótemaqysyn óndіrіp alý týraly sheshіm shyǵardy.
Material avtory