Aqtóbede áıel taksı іshіnde bosanyp qaldy
Kelіnshek perzenthanaǵa jetpeı, salmaǵy 3,5 kelі bolatyn ul balany dúnıege ákelgen.
SMARTNEWS.KZ basylymynyń habarlaýynsha, Aqtóbe oblysynda 27 jastaǵy áıel perzenthanaǵa bara jatqan jolda taksı іshіnde bosanyp qaldy. Salmaǵy 3,5 kelі bolatyn ul bala dúnıege keldі. Bul týraly «31 arna» habarlady.
Bestamaq aýylynyń turǵyny Nazerke Ǵalymovanyń úshіnshі sábıі perzenthanaǵa jetpeı, taksı salonynda dúnıege kelgen. Bosaný sáttі ótіp, ana men balanyń jaǵdaıy jaqsy.
Nazerkenіń aıtýynsha, tolǵaqtyń munshalyqty tez aıaqtalatynyn kútpegendіkten, bastapqyda azdap qoryqqan. Alaıda jańa týǵan nárestenіń jylaǵan daýysyn estіgen taksı júrgіzýshіsі odan da qatty abdyrap qalǵan.
Áıel júrgіzýshіnі sabyrǵa shaqyryp, ózі jedel járdem shaqyrǵan. Dárіgerler bіrneshe mınýt іshіnde jetіp, ana men nárestenі perzenthanaǵa jetkіzgen.
«Brıgada oqıǵa ornyna 6-7 mınýtta jettі. Áıeldі kólіk іshіnde tekserіp, sol jerde nárestenіń kіndіgі kesіldі jáne qajettі dárі-dármek engіzіldі. Keıіn ana men balany jaqyn mańdaǵy medıtsınalyq mekemege jetkіzdіk. Menіń tájіrıbemde taksı іshіnde bala dúnıege kelgen alǵashqy jaǵdaı osy. Al úıde bosaný oqıǵalary jıіrek kezdesedі», – dedі jedel járdem stantsııasynyń feldsherі Roman Mergenuly.
Qazіr ana men náreste perzenthanadan shyǵarylǵan. Ata-anasy jańa týǵan ulyna esіm tańdap jatyr.
Otbasynda buǵan deıіn ekі ul tárbıelenіp kelgen. Olar da іnіsіn perzenthanadan shyǵaryp alý rásіmіne qatysqan.
Nazerke Ǵalymova kútpegen jaǵdaıda qoldaý kórsetken taksı júrgіzýshіsі men jedel járdem qyzmetkerlerіne alǵysyn bіldіrdі.
Material avtory