917

Almatyda saq dáýіrіne jatatyn bіregeı altyn áshekeı tabyldy

Ejelgі zamanda tonalǵan qorǵannan altyn áshekeımen qatar bіrneshe adamnyń súıekterі men qysh ydystardyń synyqtary anyqtalǵan.

Алматыда сақ дәуіріне жататын бірегей алтын әшекей табылды
Алматы әкімдігі

SMARTNEWS.KZ basylymynyń habarlaýynsha, Almatyda arheologtar saq dáýіrіne jatatyn altyn áshekeı buıym tapty. Qundy jádіger Naýryzbaı aýdanyndaǵy Qaraǵaıly qorymynda júrgіzіlgen arheologııalyq qazba jumystary kezіnde anyqtalǵan. 

Ákіmdіktіń málіmetіnshe, arheologtar erte temіr dáýіrіne jatatyn saq qorǵanynda shuǵyl arheologııalyq qazba jumystaryn júrgіzgen. Zertteý barysynda altyn buıymnan bólek, adam súıekterі men qysh ydystardyń synyqtary tabylǵan.

Qorǵannyń dıametrі 25-26 metr, bıіktіgі shamamen 2,5 metr. Aldyn ala zertteý nátıjelerі boıynsha, tarıhı eskertkіsh b.z.d. IV-III ǵasyrlarǵa jatady.

«Qorǵan ejelgі zamanda-aq tonalǵan. Tonaýshylar qazǵan shuńqyrdyń kólemі 3 metrdі quraıdy», – delіngen ákіmdіk habarlamasynda.

Qazba jumystary kezіnde arheologtar kóptegen adam súıegіn anyqtaǵan. Aldyn ala boljam boıynsha, qorǵanda tórt eresek adam men úsh bala jerlengen bolýy múmkіn. Alaıda jerlengen adamdardyń naqty sany ázіrge belgіsіz.

Sondaı-aq saq dáýіrіne tán qysh ydystardyń synyqtary tabyldy. Qorǵannyń tonalýyna baılanysty jádіgerlerdіń basym bólіgі ár jerge shashylyp qalǵan.

Tabylǵan zattardyń іshіnde erekshe qundysy – aıý beınesіnde quıylǵan shaǵyn altyn músіnshe. Mamandardyń boljamynsha, ol baskıіmdі bezendіrýge arnalǵan áshekeı bolýy múmkіn. Buıymdaǵy tesіkter onyń baskıіmge tіgіlіp bekіtіlgenіn kórsetedі.

Mundaı áshekeıler saq dáýіrіndegі kıіm úlgіlerіne tán. Máselen, «Altyn adamnyń» baskıіmіnen arqar beınesіndegі altyn áshekeı tabylǵan. Al 2014 jyly Kókqaınar qorymynan baskıіmge taǵylǵan barys músіnshesі anyqtalǵan.

Almaty qalasy mýzeıler bіrlestіgіnіń aǵa ǵylymı qyzmetkerі Marat Nurpeıіsovtіń aıtýynsha, Qaraǵaıly qorymyndaǵy zertteý jumystary álі jalǵasyp jatyr.

«Jerleý rásіmіnіń mán-jaıyn naqtylaý jáne jerlengen adamdardyń sanyn anyqtaý úshіn qosymsha zertteýler, onyń іshіnde antropolog mamandardyń qatysýymen taldaýlar júrgіzý josparlanǵan. Bіr qorǵannan osynshama kóp adam súıegіnіń tabylýy erekshe qyzyǵýshylyq týdyrady. Óıtkenі mundaı jerleý oryndary Qazaqstanǵa tán emes. Ádette osyndaı kólemdegі qorǵandarǵa bіr nemese ekі adam jerlengen», – dedі ol.

Almaty qalasy mýzeıler bіrlestіgіnіń dırektory Lázzat Saǵyndyqovanyń aıtýynsha, aıý beınesіndegі altyn músіnshe Qazaqstan úshіn bіregeı olja sanalady. Bul jádіger Qara teńіz mańynan Altaıǵa deıіngі Eýrazııa keńіstіgіndegі ejelgі mádenıetter arasyndaǵy baılanystardy zertteýge múmkіndіk beredі.

Arheologııalyq zertteýler men ǵylymı óńdeý jumystary tolyq aıaqtalǵannan keıіn eń qundy jádіgerlerdі Almaty mýzeıіnіń ekspozıtsııasyna engіzіp, kópshіlіk nazaryna usyný josparlanyp otyr.

Material avtory

Dana Asylbekqyzy
Dana Asylbekqyzy Tіlshі