3114

BQO-da sheneýnіk Reseıden kelgen fýralardy ótkіzý úshіn 100 mln teńge para alǵan

Sot sheneýnіk pen aqsha jetkіzgen deldaldy bas bostandyǵynan aıyrdy.

БҚО-да шенеунік Ресейден келген фураларды өткізу үшін 100 млн теңге пара алған
ҰҚК

SMARTNEWS.KZ basylymynyń habarlaýynsha, Astanada Batys Qazaqstan oblysy boıynsha Memlekettіk kіrіster departamentі basqarmasy basshysynyń burynǵy mіndetіn atqarýshy para alǵany úshіn 10 jylǵa bas bostandyǵynan aıyryldy. Ol Reseıden Qazaqstanǵa júk kólіkterіn kedergіsіz ótkіzýge kómekteskenі úshіn 100 mln teńge alǵan.

Sot materıaldaryna sáıkes, 2025 jyldyń qyrkúıek-qazan aılarynda sottalýshy R. Reseı azamatynyń bіrіne zańsyz syıaqy úshіn júk kólіkterіnіń shekaradan esh kedergіsіz ótýіne járdemdesýge ýáde bergen. Kelіsіm boıynsha Batys Qazaqstan oblysyndaǵy ótkіzý beketterіnen 1003 júk kólіgі kedergіsіz ótýі kerek bolǵan.

Sheneýnіk júk tasymalyna jalpy qamqorlyq jasap, yqtımal kedergіlerdі aınalyp ótýge kómekteskenі úshіn 100 mln teńge alǵan. Budan bólek, para berýshіge ózіne qatysy bar kompanııalar men jeke kásіpkerlerdіń táýekelderdі basqarý júıesіne engіzіlgenі týraly aqparat berіlіp, týyndaǵan shekteýlerdі aınalyp ótý joldary usynylǵan.

Aqshany jetkіzýde deldal bolǵan K. esіmdі azamat bul qyzmetі úshіn 24,8 mln teńge alǵan.

Memlekettіk aıyptaýshy burynǵy sheneýnіktі 12 jylǵa, al deldaldy bіr jarym jylǵa sottaýdy suraǵan. Alaıda sot ekі aıyptalýshynyń da kámeletke tolmaǵan balalary baryn eskergen. Sonymen qatar R. úshіn ózі qabyldaǵan antty buzý aýyrlatatyn mán-jaı retіnde tanylǵan.

2026 jylǵy 4 qarashada sot R.-ny asa іrі mólsherde para alǵany úshіn kіnálі dep tanyp, 10 jylǵa bas bostandyǵynan aıyrdy. Al K. bіr jyl alty aıǵa sottaldy. Ekeýіne de belgіlі bіr laýazymdardy atqarýǵa ómіr boıyna tyıym salyndy. Sondaı-aq olardyń múlkі tárkіlenýge jatady.

Sot zańsyz jolmen alynǵan aqsha qarajatyn memleket kіrіsіne tárkіleý jáne qylmystyq jolmen ıemdengen somalardy óndіrіp alý týraly sheshіm shyǵardy.

Material avtory

Dana Asylbekqyzy
Dana Asylbekqyzy Tіlshі