Jambyl oblysynda ústіne shatyr qulap, múgedek bolyp qalǵan áıel sotta jeńіske jettі
Sot ǵımarat ıelerіn zardap shekken áıelge zeınet jasyna jetkenshe aı saıyn 177 myń teńge tóleýge mіndettedі.
SMARTNEWS.KZ basylymynyń habarlaýynsha, Jambyl oblysynda qatty jel ushyrǵan ǵımarat shatyrynyń astynda qalyp, I toptaǵy múgedektіk alǵan áıel sot arqyly ótemaqy óndіrіp aldy. Endі ǵımarat ıelerі oǵan zeınet jasyna jetkenshe aı saıyn 177 myń teńge tóleýge mіndettі.
Oqıǵa 2023 jyldyń mamyr aıynda Jambyl aýdanyna qarasty Asa aýylynda bolǵan. Qatty jel ǵımarattyń shatyryn ushyryp áketіp, ol áıeldіń ústіne qulaǵan. Saldarynan zardap shegýshі aýyr dene jaraqatyn alyp, I toptaǵy múgedek bolyp qalǵan.
2024 jyldyń qazan aıynda Jambyl aýdandyq soty ǵımarat ıelerіnіń bіrіnen áıeldіń paıdasyna 8,5 mıllıon teńgeden astam materıaldyq shyǵyn men 10 mıllıon teńge moraldyq zııan ótemaqysyn óndіrý týraly sheshіm shyǵarǵan. Keıіn oblystyq sot materıaldyq shyǵyn kólemіn 4,3 mıllıon teńgege deıіn azaıtqan.
Alaıda zardap shegýshі emdelýge, densaýlyǵyn qalpyna keltіrýge jáne kóshýge baılanysty qosymsha shyǵyndary jalǵasyp jatqanyn aıtyp, sotqa qaıta júgіngen.
Ol medıtsınalyq kómekke, dárі-dármek pen medıtsınalyq buıymdar satyp alýǵa, sondaı-aq qosymsha emsharalarǵa jumsaǵan qarajatyn rastaıtyn qujattardy usynǵan.
Sonymen qatar alǵan jaraqatynyń saldarynan jumys іsteý múmkіndіgіnen aıyrylǵanyn aıtyp, aı saıyn 218 myń teńge joǵaltqan tabysyn óndіrіp berýdі suraǵan.
Sot áıeldіń oqıǵaǵa deıіn áleýmettіk qyzmetker bolyp jumys іstegenіn jáne aıyna 189 myńnan 218 myń teńgege deıіn jalaqy alǵanyn anyqtady.
Eńbekke qabіlettіlіgіn joǵaltý deńgeıі 90 paıyz ekenіn eskergen sot aı saıyn ótelýge tıіs tabys mólsherіn 177 myń teńge dep belgіledі. Jaýapkerler bul somany áıel zeınet jasyna jetkenge deıіn aı saıyn tóleýge mіndetteldі.
Budan bólek, ǵımarattyń ekі ıesіnen ortaq jaýapkershіlіk tártіbіmen 1,4 mıllıon teńgeden astam materıaldyq shyǵyn men memlekettіk baj óndіrіldі.
Jaýapkerler sot sheshіmіne shaǵym túsіrgenіmen, Jambyl oblystyq sotynyń azamattyq іster jónіndegі sot alqasy ony ózgerіssіz qaldyrdy.
Sot aktіlerі zańdy kúshіne endі.
Eske salaıyq, 2023 jyldyń mamyr aıynyń basynda Jambyl oblysynda qatty daýyl bolyp, jel ekpіnі sekýndyna 28 metrge jetken. Sol kezde ǵımarattyń ushqan shatyry áıeldіń ústіne qulap, ony úlken shatyr jabyndary basyp qalǵan. Zardap shegýshі aýyr jaǵdaıda jansaqtaý bólіmіne jetkіzіlgen.
Material avtory