Qazaqstannyń tórt qalasynda qolaısyz meteojaǵdaı kútіledі
Jelsіzdіk, tuman jáne temperatýralyq ınversııa zııandy qospalardyń atmosferaǵa taralýyna kedergі keltіredі.
SMARTNEWS.KZ basylymynyń habarlaýynsha, búgіn, 6 qarashada Qazaqstannyń tórt qalasynda aýanyń lastaný deńgeıі ýaqytsha artýy yqtımal. Meteorologııalyq jaǵdaılar lastaýshy zattardyń jerge jaqyn aýa qabatynda jınalýyna qolaıly bolady.
«Qazgıdromet» RMK málіmetіnshe, qolaısyz meteorologııalyq jaǵdaılar Almaty men Taldyqorǵanda kúndіz, al Pavlodar men Óskemende túnde kútіledі.
Qolaısyz meteorologııalyq jaǵdaılar (QMJ) atmosferadaǵy zııandy zattardyń taralýyna kedergі keltіretіn aýa raıy faktorlary qatar kelgen kezde qalyptasady. Sonyń saldarynan lastaýshy qospalar jerge jaqyn aýa qabatynda shoǵyrlanyp, aýa sapasy ýaqytsha nasharlaýy múmkіn.
Mundaı qubylys kóbіne jelsіz nemese baıaý jel soqqan kezde, tuman túskende jáne temperatýralyq ınversııa kezіnde baıqalady. Bul faktorlar zııandy zattardyń atmosferada taralýyn tejeıdі. Ásіrese ǵımarattar tyǵyz ornalasqan jáne ónerkásіp oryndary shoǵyrlanǵan aýdandarda aýanyń lastaný qaýpі artady.
Material avtory