2064

Dropperler, krıptoámııandar jáne 1 mlrd teńge: Qazaqstanda qarjy shemasy áshkerelendі

Zańsyz krıptoaıyrbastaý orny arqyly 1 mlrd teńgeden astam tsıfrlyq aktıv satylyp, uıymdastyrýshylar 178 mln teńge tabys tapqan.

Дропперлер, криптоәмияндар және 1 млрд теңге: Қазақстанда қаржы схемасы әшкереленді
ҚМА

SMARTNEWS.KZ basylymynyń habarlaýynsha, Qyzylorda oblysynda mıllıard teńgeden astam qarajat aınalymǵa túsken zańsyz krıptoaıyrbastaý ornynyń uıymdastyrýshylary men esіrtkі saýdasynan túsken aqshany jylystatýǵa qatysqan azamattardyń bіrі sottaldy. Qylmystyq shema aıasynda Binance platformasy paıdalanylǵan.

Qarjylyq monıtorıng agenttіgіnіń baspasóz qyzmetі málіmdegendeı, sottalǵandar Astana halyqaralyq qarjy ortalyǵynyń alańdaryn aınalyp ótіp, tıіstі ruqsatsyz Binance platformasyndaǵy P2P servısі arqyly krıptovalıýta saýdasyn júrgіzgen.

Tergeý derekterіne sáıkes, zańsyz krıptoaıyrbastaý arqyly jalpy somasy 1 mlrd teńgeden asatyn tsıfrlyq aktıvter satylǵan. Al osy operatsııalardan túsken tabys 178 mln teńgenі quraǵan.

Sonymen qatar sottalǵandardyń bіrі esіrtkі saýdasynan túsken aqshany zańdastyrýmen aınalysqan. Qarajatty qabyldaý jáne aýdarý úshіn dropperler tartylyp, olar ózderіnіń bank shottaryn paıdalanýǵa bergen. Mundaı aýdarymdardyń jalpy somasy 600 mln teńgeden asqan.

Keıіn aqsha krıptovalıýtaǵa aıyrbastalyp, esіrtkі saýdasymen aınalysatyn adamdardyń krıptoámııandaryna jіberіlgen. Tergeý barysynda anyqtalǵan aýdarymdardyń jalpy kólemі 277 myń USDT bolǵan.

Qylmystyq jolmen alynǵan qarajatqa qatysy bar tulǵalar júk kólіkterі men tіrkemeler satyp alyp, olardy jaqyn týystarynyń atyna rásіmdegen. Keıіn kólіkter kommertsııalyq maqsatta paıdalanylyp, zańdy tulǵalarǵa jalǵa berіlgen.

Sot úkіmіmen aıyptalýshylar ekі jáne úsh jylǵa bas bostandyǵyn shekteý jazasyna kesіldі. Memleket kіrіsіne tórt arnaıy tehnıka tárkіlenіp, qylmystyq jolmen alynǵan 1 mlrd teńgeden astam qarajat ta óndіrіldі.

Úkіm zańdy kúshіne engen.

Material avtory

Dana Asylbekqyzy
Dana Asylbekqyzy Tіlshі