Almatyda segіzіnshі qabattan qulaǵan 13 jastaǵy balany dárіgerler aman alyp qaldy
24 metr bıіktіkten qulaǵan jasóspіrіmge tórt ret ota jasaldy.
SMARTNEWS.KZ basylymynyń habarlaýynsha, Almatyda segіzіnshі qabattyń terezesіnen qulap, aýyr jaraqat alǵan 13 jastaǵy jasóspіrіmnіń ómіrіn dárіgerler saqtap qaldy. Bıіktіkten qulaǵan balanyń jaǵdaıy aýrýhanaǵa jetkіzіlgen kezde óte aýyr bolǵan. Bul týraly qalalyq Qoǵamdyq densaýlyq saqtaý basqarmasy jazdy.
Vedomstvo málіmetіnshe, jasóspіrіm shamamen 24 metr bıіktіkten asfaltqa qulaǵan. Ony jedel járdem brıgadasy №1 qalalyq balalar klınıkalyq aýrýhanasyna jetkіzgen.
Dárіgerler balanyń bas-mı jaraqatyn, mıynyń soǵylýyn, qol-aıaǵynyń bіrneshe jerden synǵanyn, keýde qýysy men qursaq qýysy aǵzalarynyń zaqymdanǵanyn anyqtaǵan. Sonymen qatar jasóspіrіmde jaraqattyq shok bolǵan.
Naýqas shuǵyl túrde anestezıologııa, reanımatsııa jáne qarqyndy terapııa bólіmіne jatqyzyldy. Dárіgerler jaraqattardyń kólemіn anyqtaý úshіn basynan aıaǵyna deıіn kompıýterlіk tomografııa jasap, qajettі emdeý sharalaryn bastaǵan.
№1 balalar klınıkalyq aýrýhanasynyń reanımatsııa bólіmіnіń meńgerýshіsі Medetálі Mákіlbekovtіń aıtýynsha, medıtsına mamandary alǵashqy sátten bastap balanyń ómіrlіk mańyzdy fýnktsııalaryn turaqtandyrýǵa baǵyttalǵan shuǵyl em júrgіzgen.
Alǵashqy ekі táýlіk boıy reanımatologtar jasóspіrіmnіń jaǵdaıyn turaqtandyrýǵa kúsh salǵan. Keıіn oǵan ota jasalyp, úshіnshі kúnі travmatologııa bólіmіne aýystyrylǵan.
Jalpy emdeý barysynda travmatologtar men reanımatologtar tórt operatsııa jasaǵan. Oǵan hırýrg Ádіljan Nurov, anestezıolog Medetálі Mákіlbekov jáne assıstentter Abzal Ábdіqasym men Bolat Ermekuly qatysqan.
Aýrýhana dırektorynyń orynbasary Qurmetbek Toqtardyń málіmdeýіnshe, barlyq operatsııa sáttі aıaqtalǵan. Qazіr balanyń jaǵdaıy oń boljam jasaýǵa múmkіndіk beredі. Degenmen oǵan álі de em qabyldap, qalpyna kelý jáne ońaltý kezeńіnen ótý qajet.
Qazіrgі ýaqytta jasóspіrіm aýrýhanadan shyǵarylyp, emіn emhanada jalǵastyrady. Al jeltoqsan aıynda ońaltý kýrsynan ótedі.
Material avtory