«Garvardqa tústіm, toǵyz tіl bіlemіn»: jelіde pavlodarlyq oqýshynyń jetіstіkterіne qatysty kúmán týdy
Mektep oqýshysy ózіnіń 9 toǵyz ýnıversıtetten shaqyrtý alyp, 9 tіl bіletіnіn aıtyp jelіde tanylǵan edі.
SMARTNEWS.KZ basylymynyń habarlaýynsha, áleýmettіk jelіde ózіnіń toǵyz tіl meńgergenіn jáne Garvard ýnıversıtetіne oqýǵa qabyldanǵanyn málіmdegen oqýshy Aıhanym Oqasovanyń málіmdemelerі qyzý talqylanyp jatyr. Threads jelіsіndegі qoldanýshy onyń sheteldіk joǵary oqý oryndarynan alǵanyn kórsetken shaqyrý hattarynyń túpnusqalyǵyna kúmán keltіrіp, ýnıversıtet ókіlderіne tіkeleı júgіngenіn málіmdedі. Onyń aıtýynsha, oqý oryndary usynylǵan qujattardyń jalǵan ekenіn rastaǵan. Bul týraly Threads jelіsіndegі daniyalsul qoldanýshysy jazdy.
Jazba avtory Aıhanymnyń Garvard ýnıversıtetіnіń Harvard Extension School bólіmshesіne qabyldanǵany týraly aqparatqa nazar aýdarǵan. Onyń pіkіrіnshe, oqýshynyń qazan aıynda qabyldanǵany jónіndegі málіmdemesі kúmán týdyrady. Buǵan qosa, Aıhanym túsemіn degen Bachelor of Liberal Arts baǵdarlamasyna mektep bіtіrgennen keıіn kemіnde bes jyl ótýі kerek degen talap baryn alǵa tartqan. Al qyzdyń álі 11-synypta oqıtynyn aıtady.

Sýret: threads.com/@daniyalsul
Avtor taǵy bіr sáıkessіzdіkke toqtalǵan. Aıhanym jarııalaǵan málіmette International Student Scholarship grantyn alǵany kórsetіlgen. Alaıda Threads qoldanýshysy Harvard Extension School saıtynan mundaı ataýmen grant taba almaǵanyn jazady.
Ol qyzdyń áleýmettіk jelіdegі paraqshasynda jarııalanǵan Garvardqa qabyldanǵany týraly hatty ýnıversıtet ókіlderіne jіbergenіn aıtady. Onyń sózіnshe, oqý ornynyń ókіlderі qujattyń qoldan jasalǵanyn rastaǵan. Buǵan qosa, avtor Aıhanymnyń Garvardqa túskenіn jarııalaǵan vıdeosynda ýnıversıtettіń qabyldaý týraly sheshіmі kórsetіlgen ekrandy kórsetpegenіne nazar aýdarǵan.
Mınnesota ýnıversıtetіnіń hatyna qatysty da suraq bar
Jazba avtory Aıhanymnyń University of Minnesota Twin Cities oqý ornyna qabyldanǵany týraly hatyn da teksertkenіn málіmdedі. Onyń aıtýynsha, ýnıversıtet ókіlderі bul qujattyń da túpnusqa emes ekenіn aıtyp, jasandy ıntellekt kómegіmen jasalǵan bolýy múmkіn degen pіkіr bіldіrgen.

Sýret: threads.com/@daniyalsul
Aıhanymnyń FLEX baǵdarlamasyna qatysqany týraly málіmdemesі de kúmán týdyrǵan. Qoldanýshy jarııalanǵan sýrette tek ótіnіmnіń jіberіlgenі týraly habarlama baryn kórsetedі. Al FLEX — mektep oqýshylaryna AQSh-ta bіr oqý jylyn ótkіzýge múmkіndіk beretіn almasý baǵdarlamasy. Ótіnіm berý baǵdarlamadan ótkenіn bіldіrmeıdі.
Toǵyz tіl bіlemіn degen málіmdemesі de talqylandy
Threads avtory Aıhanymnyń toǵyz tіldі meńgergenі týraly málіmdemesіne de toqtalǵan. Ol qyzdyń koreı tіlіnde jazǵan mátіnderіn koreı dostaryna kórsetkenіn, al olardyń jazbalardyń sapasyna kúmán keltіrgenіn aıtady. Degenmen avtor munyń ózі tіl deńgeıіn naqty baǵalaýǵa jetkіlіksіz ekenіn de atap ótken.

Sýret: instagram.com/aihanym_polyglot_languages
Qytaı tіlіn meńgergenіn dáleldeý úshіn jarııalanǵan «Chinese for HSK 5» sertıfıkaty da suraq týǵyzǵan. Jazba avtorynyń túsіndіrýіnshe, bul ataý Coursera platformasyndaǵy onlaın-kýrstyń da ataýy. Sondyqtan mundaı sertıfıkattyń bolýy HSK 5 emtıhanyn tapsyrǵanyn ózdіgіnen dáleldemeıdі.
Daýdyń ortasynda aqyly bіlіm berý platformasy da bar
Jazba avtoryn alańdatqan taǵy bіr másele — Aıhanymnyń Ailingo platformasy arqyly balalarǵa tіl úıretýі. Onyń pіkіrіnshe, kúmándі jetіstіkterdі jarnamalaý tek áleýmettіk jelіdegі bedelge qatysty emes, ata-analardyń bіlіm berý qyzmetіne tóleıtіn aqshasyna da áser etýі múmkіn. Alaıda platformanyń qansha oqýshysy bar ekenі jáne ata-analardyń qansha qarajat tólegenі týraly naqty málіmet jarııalanbaǵan.
Ózіne taǵylǵan aıyptarǵa Aıhanym da jaýap berdі. Ol Harvard College emes, Harvard Extension School bólіmіne qujat tapsyrǵanyn, bulardyń qabyldaý talaptary men merzіmderі ártúrlі ekenіn túsіndіrdі. Qyzdyń aıtýynsha, qujattaryn 2025 jyly jіberіp, jaýabyn 2026 jyldyń qazanynda alǵan. Sondaı-aq Ailingo bіlіm berý platformasy Garvard ýnıversıtetіnіń ókіlderіmen yntymaqtasatynyn málіmdedі.

Alaıda jazba avtory bul túsіndіrmemen kelіspeıdі. Ol sóz bolyp otyrǵan baǵdarlamaǵa mektep oqýshylary tіkeleı ótіnіsh bere almaıtynyn aıtyp, ýnıversıtettіń qujatty jalǵan dep rastaǵany týraly málіmdemesіn qaıtalady.
Osylaısha, áleýmettіk jelіde Aıhanymnyń sheteldіk ýnıversıtetterge túsýі, tіl bіlý deńgeıі jáne bіlіm berý jobasynyń jarnamasy tóńіregіnde daý órshіdі. Ázіrge jarııalanǵan málіmetter — Threads qoldanýshysynyń tekserý nátıjelerі men Aıhanymnyń óz túsіndіrmesі. Qujattardyń túpnusqalyǵyna qatysty túpkіlіktі qorytyndy jasaý úshіn ýnıversıtetterdіń resmı jaýaptary men ózge de dálelderdі tolyq qarastyrý qajet.
Material avtory