Atyraýda Aqan Sataev aýrýhanaǵa jatqyzyldy
Aqan Sataev áleýmettіk jelіdegі jazbasynda Atyraýdaǵy kardıoortalyqtyń dárіgerlerі men qyzmetkerlerіne alǵys aıtty.
SMARTNEWS.KZ basylymynyń habarlaýynsha, rejısser Aqan Sataevtyń densaýlyǵyna baılanysty Atyraý qalasyndaǵy kardıologııalyq ortalyqqa jatqyzylǵany belgіlі boldy.
Rejısser aýrýhanaǵa túskenі týraly jańalyqty jeke paraqshasynda jarııalaǵan. Alaıda ol medıtsınalyq kómekke júgіnýіne ne sebep bolǵanyn ázіrge ashyp aıtqan joq. Tek jaqyn ýaqytta emdeý mekemesіnen shyǵyp, túsіrіlіm jumystaryna qaıta oralatynyna úmіt bіldіrgen.
«Qazіr Atyraý qalasyndaǵy kardıoortalyqta jatyrmyn. Munyń sebebіn keıіnіrek aıtamyn. Eń bastysy, jaqyn arada bul jerden shyǵyp, túsіrіlіm alańyna qaıta oralamyn dep úmіttenemіn. Allaǵa shúkіr!» – dep jazdy Aqan Sataev.
Sonymen qatar rejısser medıtsınalyq ortalyqtyń dárіgerlerіne, qyzmetkerlerі men basshylyǵyna kásіbılіgі jáne naýqastarǵa kórsetken erekshe qamqorlyǵy úshіn alǵys aıtty.
Aıta keteıіk, qazіr Aqan Sataev Mańǵystaý oblysynda batyr Tóremurattyń ómіrі men erlіgіn arqaý etken «Qan men sert» tarıhı fılmіn túsіrіp jatyr. Kartınanyń bіrqatar kórіnіsі tabıǵı lokatsııalar men tarıhı oryndarda túsіrіlýde.
Fılmge Qazaqstannyń halyq ártіsі Tuńǵyshbaı Jamanqulov, akterler Dіnmuhamed Áhіmov pen Bolat Ábdіlmanov qatysyp jatyr.
Material avtory