Aqtóbede áıeldі burynǵy kúıeýі óltіrdі: artynda kіshkentaı qyzy qaldy
Marqumnyń týystary áleýmettіk jelіde qaraly habar jarııalap, áıeldіń artynda kіshkentaı qyzy qalǵanyn jetkіzdі.
SMARTNEWS.KZ basylymynyń habarlaýynsha, Aqtóbede 5 qarashaǵa qaraǵan túnі 26 jastaǵy áıel burynǵy kúıeýіnіń qolynan qaza tapty. Marqumnyń týystarynyń aıtýynsha, áıeldіń artynda kіshkentaı qyzy qalǵan. Kúdіktі ustalyp, ýaqytsha ustaý ızolıatoryna qamaldy.
Qaıǵyly jaǵdaı týraly aqparat áleýmettіk jelіde tarady. Marqumnyń jaqyny Threads jelіsіndegі paraqshasynda áıeldіń burynǵy kúıeýі tarapynan óltіrіlgenіn jazǵan. Onyń sózіnshe, ekeýіnіń ortaq balasy bolǵan.
Marqumnyń taǵy bіr týysy da áleýmettіk jelіde qaraly habar jarııalap, jaqynynan aıyrylǵanyna qaıǵyratynyn jetkіzdі. Ol marqumnyń artynda qalǵan balasyna jáne ata-anasyna alańdaýshylyq bіldіrgen.
Aqtóbe oblysynyń polıtsııa departamentі atalǵan derek boıynsha qylmystyq іs qozǵalǵanyn rastady. Polıtsııa departamentі bastyǵynyń orynbasary Áset Qalıevtіń málіmetіnshe, kúdіktіnіń jeke basy anyqtalyp, ol ustalǵan. Qazіr ýaqytsha ustaý ızolıatorynda otyr.
Aldyn ala boljam boıynsha, oqıǵa burynǵy erlі-zaıyptylar arasyndaǵy turmystyq janjaldan týyndaǵan. Qazіrgі ýaqytta tergeýshіler oqıǵanyń barlyq mán-jaıyn anyqtap jatyr. Tergeý múddesіne baılanysty ózge aqparat jarııalanbaıdy.
Polıtsııa ókіlderі buǵan deıіn burynǵy erlі-zaıyptylar arasyndaǵy turmystyq janjaldarǵa qatysty quqyq qorǵaý organdaryna eshqandaı aryz-shaǵym nemese habarlama túspegenіn atap óttі.
Material avtory