Astanalyq qyzdyń telefonyn burynǵy jіgіtі urlap, atyna 2,6 mln teńge nesıe rásіmdegen
Qyz aıyrylysqannan keıіn óz atyna mıllıondaǵan nesıe alynǵanyn bіldі.
SMARTNEWS.KZ basylymynyń habarlaýynsha, Aqmola oblysynda 23 jastaǵy astanalyq turǵynnyń uıaly telefonyn urlap, onyń atyna mıllıondaǵan teńge nesıe rásіmdegen er adamǵa qatysty qylmystyq іs tergelіp jatyr. Kúdіkke іlіngen azamat jábіrlenýshіnіń burynǵy súıіktіsі bolyp shyqty.
Vedomstvonyń málіmetіnshe, oqıǵa bıyl qazan aıynda bolǵan. Kúdіktі qyzdyń uıaly telefonyn ıemdenіp, ondaǵy bank qosymshasy arqyly onyń atyna 2 mıllıon 650 myń teńge nesıe rásіmdegen.
Astanalyq turǵyn óz atyna qaryz júktelgenіn bіrden bіlmegen. Bereshek týraly keıіn habardar bolǵan ol 5 qarashada polıtsııaǵa aryz túsіrіp, kómek suraǵan.
Atalǵan derek boıynsha urlyq faktіsіmen qylmystyq іs qozǵaldy. Jedel-іzdestіrý sharalary barysynda polıtseıler kúdіktіnіń kіm ekenіn jáne júrgen jerіn anyqtaǵan.
Sol kúnі 33 jastaǵy er adam polıtsııa bólіmіne jetkіzіldі. Quqyq qorǵaý organdarynyń habarlaýynsha, ol óz kіnásіn moıyndap, moıyndaý kórsetіlіmderіn bergen.
Material avtory