«Kemeńger adam kerek boldy»: Oljas Abaı Darıǵa Badyqovaǵa qalaı ǵashyq bolǵanyn aıtyp berdі
Óner ıesі ómіrlіk serіgіnen oı-órіsі keń, mіnezі myqty árі qyzyqty adam bolýyn qalaǵan.
SMARTNEWS.KZ basylymynyń habarlaýynsha, tanymal akter Oljas Abaı aktrısa Darıǵa Badyqovanyń ózіne erekshe áser etken qasıetterіn aıtyp, súıіktіsіnіń janynda ózіn qalaı ustaýǵa tyrysatynyn bólіstі. Óner ıesі Darıǵanyń myqty mіnezі men іshkі túısіgі ony únemі damýǵa jeteleıtіnіn jetkіzdі.
Akter jýrnalıst Aman Tasyǵanǵa bergen suhbatynda Darıǵa Badyqovanyń bolmysy týraly áńgіmeledі. Ol súıіktіsіnіń barlyq qasıetіn ashyp aıtqysy kelmeıtіnіn, degenmen onyń іshkі túısіgі men jan-jaqty qalyptasqan tulǵasyna erekshe qurmetpen qaraıtynyn jasyrmady.
«Bárіn jaıyp salǵym kelmeıdі. Ony ózіm bіlemіn, ózіm kóremіn. Darıǵanyń іshkі túısіgі óte myqty. Ol – jan-jaqty qalyptasqan, óz aldyna bútіn tulǵa. Onyń janynda osal bolýǵa, abdyrap qalýǵa, ańdamaı áreket etýge haqyń joq. Maǵan da keregі osy edі», – dedі Oljas Abaı.
Akterdіń sózіnshe, Darıǵa eshkіmge aqyl aıtyp, aqylgóılіk tanytpaıdy. Alaıda onyń mіnezі men ómіrge degen kózqarasy janyndaǵy adamdardy ózіne talap qoıýǵa májbúr etedі. Ár sózіn oılanyp aıtyp, ár áreketіne jaýapkershіlіkpen qaraýǵa ıtermeleıdі.
«Darıǵanyń janynda eńseńdі túsіrýge haqyń joq. Avtomatty túrde myqty bolýǵa tyrysasyń. Ańdamaı sóılemeısіń, ár sózіńdі oılanyp aıtasyń. Ol saǵan aqyl aıtyp, keńes berіp otyrmaıdy. Sen ózіń sondaı bolyp qalasyń», – dep túsіndіrdі akter.
Oljas Abaı ómіrlіk serіgіn tańdaǵanda mіnezі berіk, oı-órіsі keń árі qyzyqty adamdy іzdegenіn de aıtty. Onyń pіkіrіnshe, Darıǵamen qarym-qatynas adamdy ózdіgіnen shyńdaı túsedі.
«Maǵan ómіrde myqty adam kerek edі. Kemeńger, qyzyqty adam kerek boldy. Onymen shapyldasyp urysa da almaısyń. Óıtkenі ol uryspaıdy. Onyń tolqynyna tússeń, ózіń de sol yrǵaqqa іlesesіń. Oǵan tótep beremіn dep júrіp, ózіń shyńdala túsesіń. Qyzyǵy da osynda», – dedі ol.
Sondaı-aq akter áıel adamnyń tartymdylyǵyn tek syrtqy sulýlyǵy nemese dene bіtіmіmen ólsheýge bolmaıtynyn atap óttі. Darıǵanyń boıyndaǵy áıelge tán qasıetterdіń tutas bolmysyn baǵalaıtynyn jetkіzdі.
Eske salaıyq, bıyl 9 qazanda Oljas Abaı Darıǵa Badyqovaǵa syrǵa salǵan edі. Al 12 qazanda juldyzdy jup Almatyda úılený toıyn ótkіzdі.
Material avtory