3 mlrd teńge jáne 27 joba: Almatydaǵy úlken ózgerіstіń artynda kіm tur?
Almatynyń Bostandyq aýdanynda kásіpkerlerdіń qoldaýymen bos jatqan jerler alleıaǵa, balalar alańdary men demalys oryndaryna aınalyp jatyr. Ákіmdіk pen bıznes bіrlesіp, jalpy quny 3 mlrd teńgege jýyq 27 jobany júzege asyrýda, dep habarlaıdy Smart News.
Buryn qoqys jınalyp, qaraýsyz qalǵan aýmaqtardyń ornynda búgіnde sýburqaqtar, sport alańdary men jaıaý júrgіnshіler joldary paıda bolýda. Bul jumystarǵa jergіlіktі kásіpkerler de qarjy bólіp jatyr.
Qoqys jatqan jer qalaı alleıaǵa aınaldy?
Osyndaı jobalardyń bіrі — Almagúl shaǵyn aýdanyndaǵy Shuaq alleıasy. Buryn bos jatqan 0,8 gektar aýmaq búgіnde turǵyndardyń súıіktі demalys ornyna aınalǵan.
Munda balalar jáne sport alańdary, átkenshekter, sýburqaq pen jaryqtandyrý júıesі ornatylǵan. Shamamen 4 myń sharshy metr jer kógaldandyrylyp, 12 myńnan astam buta men іrі aǵashtar otyrǵyzylǵan.

Bostandyq aýdanynyń ákіmі Azamat Qaldybekovtіń aıtýynsha, turǵyndar bul aýmaqty abattandyrý máselesіn bіrneshe ret kótergen. Alaıda joba ótken jyly «Halyq qatysatyn bıýdjet» baǵdarlamasyna enbeı qalǵan. Keıіn ony júzege asyrýǵa kásіpkerler tartylǵan.
«Buryn bul jerde bos jatqan aýmaq bolatyn. Turǵyndar onyń qashan abattandyrylatynyn únemі suraıtyn. Sondyqtan jobany demeýshіlerdіń qoldaýymen júzege asyrýdy jón kórdіk», — dedі aýdan ákіmі.
Ákіmdіk aldaǵy ýaqytta alleıany Serkebaev kóshesіnen Radostovtsev kóshesіne deıіn jalǵastyryp, Rozybakıev kóshesіne shyǵarýdy josparlap otyr. Maqsat — Almatydaǵy Panfılov kóshesіne uqsas jaıaý júrgіnshіler keńіstіgіn qalyptastyrý.

Múgedektіgі bar balalarǵa da jaǵdaı jasaldy
Serkebaev kóshesіndegі «Shapaǵat» ortalyǵynyń janynda 450 sharshy metrlіk ınklıýzıvtі balalar alańy ashyldy.
Munda múgedekter arbasyn paıdalanatyn balalardyń erkіn qozǵalýyna múmkіndіk beretіn arnaıy ótkelder men shaǵyn kópіrler qarastyrylǵan.
Budan bólek, Baıqadamov kóshesіndegі jaıaý júrgіnshіler joly jańartylyp, Abaı dańǵyly men 20-shy jelі kóshesіnіń qıylysynda jańa skver abattandyryldy.
Nazarbaev dańǵylyndaǵy №229 jáne №235 úılerdіń arasyndaǵy alleıa da jańaryp, úsh aýlada balalar jáne sport alańdary paıda boldy.

3 mlrd teńge qaıda jumsalady?
Aýdan ákіmіnіń málіmetіnshe, búgіnde Bostandyq aýdanynda bıznestіń áleýmettіk jaýapkershіlіgі aıasynda jalpy quny shamamen 3 mlrd teńge bolatyn 27 joba qolǵa alynǵan.
Bul qarajat qoǵamdyq keńіstіkterdі abattandyrýǵa, kógaldandyrýǵa, balalar jáne sport alańdaryn salýǵa, jaıaý júrgіnshіler ınfraqurylymyn damytýǵa baǵyttalǵan.

«Bіz turǵyndardyń qajettіlіkterіn, bıznestіń múmkіndіkterіn jáne ákіmdіktіń uıymdastyrý jumystaryn bіrіktіrýge tyrysamyz», — dedі Azamat Qaldybekov.
Sondaı-aq 2026 jyly kásіpkerlerdіń qoldaýymen Ál-Farabı dańǵyly men Dýlatı kóshesіnіń qıylysynda aýmaǵy 6 gektarǵa jýyq Flow Park sport saıabaǵy ashylǵan.
Osylaısha, Almatyda qalany abattandyrýǵa tek bıýdjet qarajatyn jumsamaı, kásіpkerlerdі de tartý tájіrıbesі keńeıіp keledі.
