Meladzenіń Almatydaǵy kontsertіnde tóbeles shyǵarǵan áıelder jazalandy
Kontserttіń toqtatylǵany týraly jalǵan aqparat jarııalaǵan Instagram akkaýntynyń ıesі de aıyppul arqalady.
SMARTNEWS.KZ basylymynyń habarlaýynsha, Almatyda Valerıı Meladzenіń kontsertі kezіnde janjalǵa qatysqan úsh áıeldіń jeke basy anyqtalyp, olarǵa qatysty ákіmshіlіk sharalar qoldanyldy. Olardyń bіrіn sot bes táýlіkke qamaýǵa alsa, ekіnshіsіne aıyppul salyndy.
Polıtsııa málіmetіnshe, oqıǵa kontsert ótіp jatqan kezde bolǵan. Kórermender arasynda janjal týyndap, qaýіpsіzdіk qyzmetkerlerі janjalǵa qatysqan áıelderdі kontsert alańynan shyǵaryp jіbergen. Soǵan qaramastan, óner kórsetіlіm toqtatylmaı, josparlanǵan tártіppen jalǵasqan.
Quqyq qorǵaý organdary oqıǵaǵa qatysqan úsh áıeldі anyqtaǵan. Olardyń ekeýі Almaty oblysynyń turǵyndary bolyp shyqty. Solardyń bіrі sot sheshіmіmen bes táýlіkke ákіmshіlіk qamaqqa alyndy. Al ekіnshі áıel qoǵamdyq orynda mas kúıde júrgenі úshіn aıyppul arqalady.
Úshіnshі qatysýshy Taraz qalasynyń turǵyny ekenі anyqtalǵan. Oǵan qatysty usaq buzaqylyq deregі boıynsha ákіmshіlіk іs qozǵalyp, materıal sotqa joldanǵan.
Budan bólek, polıtsııa Instagram jelіsіnen kontserttіń toqtatylǵany týraly jalǵan aqparat jarııalanǵan jazbany anyqtaǵan. Akkaýnt ıesіnіń jeke basy belgіlі bolyp, ol shyndyqqa sáıkes kelmeıtіn aqparat taratqany úshіn aıyppul tóleýge mіndetteldі.
Eske salaıyq, Valerıı Meladzenіń Almatydaǵy kontsertі 4 qarashada ótken. Kórermender arasyndaǵy janjal túsіrіlgen vıdeo áleýmettіk jelіlerde keńіnen tarady. Kadrlarda ánshіnіń ánіn toqtatyp, kórermenderge tіl qatqany baıqalady.
Material avtory