1653

«Bul haıp emes»: Super Mamasita kómektespek bolǵan kópbalaly otbasynyń aldaýyn áshkereledі

Bloger bul oqıǵany jarııalaýdaǵy maqsaty bіreýdі qaralaý emes, qaıyrymdylyq jasaýshylardy saq bolýǵa shaqyrý ekenіn jetkіzdі.

«Бұл хайп емес»: Super Mamasita көмектеспек болған көпбалалы отбасының алдауын әшкереледі
бейнежазбадан

SMARTNEWS.KZ basylymynyń habarlaýynsha, bloger Álııa Baıtýgaeva Instagram jelіsіndegі Super Mamasita paraqshasynda qaıyrymdylyq kómegіn kórsetpek bolǵan otbasyǵa qatysty kútpegen jaǵdaıdy baıandady. Blogerdіń aıtýynsha, jóndeý jumystaryn jasap berýdі josparlaǵan úıde eshkіm turmaıtyny anyqtalǵan.

Blogerdіń sózіnshe, áıel 2017 jyldan berі balalarymen bіrge jóndeý kórmegen úıde turyp jatqanyn aıtqan. Alaıda Álııa Baıtýgaeva barǵan kezde baspanada eshkіm turmaıtyny baıqalǵan. Áıel bastapqyda óz sózіnen qaıtpaǵanymen, keıіn onyń uly bul málіmettіń shyndyqqa janaspaıtynyn moıyndaǵan.

Osydan keıіn áıel alys jerde turatynyn, blogerlerdі úıіne shaqyra almaıtynyn túsіndіrgen. Onyń aıtýynsha, baspana ıesі buǵan ruqsat bermeıdі. Al blogerge kórsetіlgen úıdіń kіmge tıesіlі ekenі de anyqtalmaǵan.

Álııa Baıtýgaeva bul oqıǵany jarııalaýdaǵy maqsaty áıeldі kópshіlіkke áshkereleý nemese tanymaldyq jınaý emes ekenіn atap óttі. Ol otbasynyń múshelerіn kórsetpeı, olardyń júzіn ádeıі jasyrǵanyn jetkіzdі.

«Men sengіsh adammyn. Aramyzda men sııaqty adamdar kóp ekenіne senіmdіmіn. Bіraq bіreýdіń bіzdіń meıіrіmdіlіgіmіz ben shynaıy sezіmіmіzdі paıdalanyp, manıpýlıatsııa jasaǵanyn qalamaımyn. Degenmen bul áıeldі kópshіlіkke kórsetkіm kelmeıdі, óıtkenі onyń ómіr tarıhyn tolyq bіlmeımіn. Nelіkten mundaı qadamǵa barǵanyn da túsіnbeımіn. Álde turmys taýqymetі osyndaı áreketke ıtermeledі me?» – dep jazdy bloger.

Sondaı-aq ol qaıyrymdylyqty ózgenіń esebіnen jóndeý jasatýdyń amalyna aınaldyrýǵa bolmaıtynyn aıtty. Blogerdіń pіkіrіnshe, ár adam eń aldymen ózіne adal bolýy kerek.

«Men eshkіmge tegіn jóndeý jasap bermeımіn. Eger bіreý ózgenіń esebіnen úıіn jóndetkіsі kelse, bul jerge kelmesіn. Ol úshіn jumys іstep, aqsha jınap, baspanasyn óz kúshіmen retke keltіrý kerek», – dedі Álııa Baıtýgaeva.

Blogerdіń aıtýynsha, bul oqıǵa onyń muqtaj otbasylarǵa kómektesetіn «Qaıyrymdy juma» aıdarynyń kezektі shyǵarylymyna aınalýy múmkіn edі. Alaıda bolǵan jaǵdaı qaıyrymdylyq jasaýda da saqtyq pen shynaıy aqparattyń mańyzdy ekenіn kórsetken.

Material avtory

Aısa Mahambet
Aısa Mahambet Redaktor