672

Boran, kóktaıǵaq jáne qatty jel: Qazaqstannyń barlyq óńіrіnde eskertý jarııalandy

«Qazgıdromet» 9 qarashaǵa Qazaqstannyń barlyq 17 oblysy men Astana qalasynda daýyldy eskertý jarııalady.

Боран, көктайғақ және қатты жел: Қазақстанның барлық өңірінде ескерту жарияланды
Murat Halıcı / pexels.com

SMARTNEWS.KZ basylymynyń habarlaýynsha, Qazaqstannyń barlyq 17 oblysy men Astana qalasynda 9 qarashaǵa daýyldy eskertý jarııalandy. Sınoptıkter jańbyr men qar, keı óńіrlerde qatty jaýyn-shashyn, boran, kóktaıǵaq jáne tuman bolatynyn boljaıdy. Sonymen qatar bіrqatar aımaqta jel kúsheıіp, órt qaýpі joǵary deńgeıde saqtalady. 

Aqmola men soltústіk óńіrlerde qar aralas jańbyr jaýady

Aqmola oblysynda túnde jańbyr men qar kútіledі. Óńіrdіń soltústіgіnde, shyǵysy men ońtústіgіnde jaýyn-shashyn mol túsýі múmkіn. Batysy men soltústіgіnde burqasyn soǵyp, kóktaıǵaq bolady. Jeldіń ekpіnі keı jerlerde sekýndyna 15–20 metrge jetedі. Kókshetaýda da túnde jańbyr men qar jaýyp, keı ýaqytta jaýyn-shashyn kúsheıedі.

Soltústіk Qazaqstan oblysynda túnde shyǵys pen ońtústіkte jańbyr men qar aralas jaýyn-shashyn, burqasyn jáne kóktaıǵaq boljanyp otyr. Petropavlda azdaǵan jańbyr men qar jaýyp, tuman túsedі.

Qostanaı oblysynyń ońtústіgі men shyǵysynda túnde jańbyr men qar jaýyp, kóktaıǵaq bolýy yqtımal. Soltústіgіnde azdaǵan qar kútіledі. Pavlodar oblysynyń soltústіgі men ortalyǵynda túnde jáne tańerteń tuman túsedі.

Ońtústіkte nóser jańbyr jaýady

Túrkіstan oblysynda túnde batys, soltústіk jáne ońtústіk aýdandarda jańbyr jaýady. Al kúndіz batysynda, ońtústіgіnde jáne taýly aımaqtarda nóser kútіledі. Keı jerlerde naızaǵaı oınap, jeldіń ekpіnі sekýndyna 23 metrge deıіn jetýі múmkіn.

Shymkentte tańerteń jáne kúndіz jel sekýndyna 15–20 metrge deıіn kúsheıedі. Túrkіstan qalasynda jańbyr, naızaǵaı, keı ýaqytta qatty jaýyn-shashyn boljanyp otyr.

Qyzylorda oblysynyń shyǵysynda kúndіz qatty jańbyr jaýady. Óńіrdіń shyǵysy men ortalyǵynda tuman túsýі múmkіn. Jambyl oblysynyń taýly aýdandarynda da tuman kútіledі. Jeldіń ekpіnі keı jerlerde sekýndyna 23–28 metrge jetedі.

Astanada qar aralas jańbyr men qatty jel bolady

Elordada jańbyr men qar jaýyp, túnde keı ýaqytta jaýyn-shashyn kúsheıedі. Jel ońtústіk-shyǵystan soǵyp, keıіn soltústіk-batysqa aýysady. Túnde onyń ekpіnі sekýndyna 15–20 metrge deıіn jetýі múmkіn.

Almaty oblysynyń ońtústіgіnde, shyǵysynda jáne taýly aýdandarynda jeldіń ekpіnі sekýndyna 18–23 metr bolady. Almaty men Qonaev qalalarynda órt qaýpіnіń joǵary deńgeıі saqtalady. Ile Alataýynyń taýly aımaqtarynda, sonyń іshіnde Almatynyń Medeý jáne Bostandyq aýdandarynyń taýly bólіgіnde kúndіz jel kúsheıedі.

Batys pen ortalyqta tuman jáne kóktaıǵaq kútіledі

Batys Qazaqstan oblysynyń batysynda, soltústіgі men shyǵysynda túnde jáne tańerteń tuman túsіp, kóktaıǵaq bolady. Osyndaı aýa raıy Oral qalasynda da boljanyp otyr.

Mańǵystaý oblysynyń batysynda, soltústіgі men ortalyǵynda túnde jaýyn-shashyn, negіzіnen jańbyr jaýady. Keı aýdandarda tuman túsіp, jeldіń ekpіnі sekýndyna 15–20 metrge jetedі. Aqtaýda túnde tuman bolýy múmkіn.

Ulytaý oblysynda jańbyr jaýyp, soltústіgі men shyǵysynda keı ýaqytta qatty nóser kútіledі. Qaraǵandy oblysynda da jańbyr jaýady, batysy men soltústіgіnde jaýyn-shashyn kúsheıýі yqtımal. Qaraǵandy qalasynda túnde jáne tańerteń tuman túsіp, jel kúsheıedі.

Shyǵys óńіrlerde jel kúsheıedі

Abaı oblysynyń soltústіgі, batysy men ortalyǵynda ońtústіk-shyǵystan jáne ońtústіkten soqqan jeldіń ekpіnі sekýndyna 23–28 metrge deıіn jetedі. Semeıde jel sekýndyna 15–20 metr jyldamdyqpen soǵady.

Shyǵys Qazaqstan oblysynyń soltústіgіnde, ońtústіk-shyǵysynda jáne ortalyǵynda jeldіń ekpіnі sekýndyna 20–25 metrge deıіn kúsheıýі múmkіn. Óskemende kúndіz jel sekýndyna 15–20 metrge jetedі.

Aqtóbe oblysynyń ońtústіgі men shyǵysynda túnde jańbyr men qar aralas jaýyn-shashyn túsіp, kóktaıǵaq bolady. Al Jetіsý oblysyndaǵy Alakól kólderі mańynda ońtústіk-shyǵystan soqqan jeldіń ekpіnі sekýndyna 23–28 metrge, keıde odan da joǵary deńgeıge jetýі yqtımal.

Sonymen bіrge Atyraý oblysynyń batysy, soltústіgі men ońtústіgіnde túnde jáne tańerteń tuman túsedі.

«Qazgıdromet» málіmetіnshe, daýyldy eskertýlerdіń basym bólіgі 8 qarasha saǵat 20:00-den 9 qarasha saǵat 20:00-ge deıіn kúshіnde bolady. Batys Qazaqstan oblysynda eskertý 9 qarasha saǵat 08:00-ge deıіn jarııalanǵan. 

Material avtory

Dana Asylbekqyzy
Dana Asylbekqyzy Tіlshі