5800

NASA Aıda ómіr súrіp, jumys іsteıtіn astronavtardy іrіkteýdі bastady

Artemis baǵdarlamasyna qatysatyn úmіtkerler Aı betіnde jumys іsteýge arnaıy daıyndyqtan ótіp, turaqty baza qurýǵa atsalysady.

NASA Айда өмір сүріп, жұмыс істейтін астронавтарды іріктеуді бастады
Neil Armstrong/NASA via AP

SMARTNEWS.KZ basylymynyń habarlaýynsha, AQSh-tyń NASA ǵarysh agenttіgі Aıda ómіr súrіp, jumys іsteıtіn jańa astronavtar tobyn jasaqtaýǵa kіrіstі. Olar Artemis baǵdarlamasy aıasynda Aıǵa alǵashqy basqarylatyn mıssııalardy júzege asyrýǵa jáne bolashaqta Marsqa adam jіberýge daıyndyq jumystaryna qatysady.  

Irіkteýden ótken úmіtkerler Aı betіne qonýǵa jáne onda túrlі tapsyrmalardy oryndaýǵa baǵyttalǵan arnaıy daıyndyqtan ótedі. NASA olardy Jerdіń tabıǵı serіgіnde turaqty baza qurý jumystaryna da tartýdy josparlap otyr.

Alaıda baǵdarlamaǵa qatysýǵa qoıylatyn talaptar qatań. Úmіtkerler AQSh azamaty bolýy jáne jaratylystaný, naqty nemese tehnıkalyq ǵylymdar salalarynyń bіrі boıynsha magıstr dárejesіn ıelenýі kerek. Olardyń qatarynda bıologııa, kompıýterlіk ǵylymdar jáne ınjenerııa baǵyttary bar.

Agenttіk saıtynda ótіnіm qabyldaý 2026 jylǵy 3 jeltoqsanda aıaqtalady. Al bolashaq astronavtardyń túpkіlіktі tіzіmі 2027 jyldyń sońynda bekіtіledі.

Aıǵa júk jetkіzýge 10 mıllıard dollar bólіnýі múmkіn

NASA Aıǵa qajettі jabdyqtar men júkterdі jetkіzý máselesіn de qatar qarastyryp jatyr. Osy maqsatta Commercial Lunar Payload Services (CLPS) baǵdarlamasynyń ekіnshі kezeńі boıynsha kelіsіmsharttarǵa konkýrs jarııalanǵan.

On jylǵa eseptelgen kelіsіmsharttardyń jalpy quny 10 mıllıard dollarǵa deıіn jetýі múmkіn.

Baıqaýǵa SpaceX, Blue Origin jáne Lockheed Martin Space sııaqty kompanııalardy qosa alǵanda, segіz jeke aeroǵarysh kásіporny ótіnіm bergen. Jeńіmpazdar Aıǵa ǵylymı jabdyqtar men aýyr tehnıkany jetkіzýge arnalǵan qoný apparattaryn qurastyrý jáne paıdalanýmen aınalysady.

Al Boeing korporatsııasy Starliner ǵarysh kemesіne qatysty máselelerge baılanysty bul konkýrsqa qatyspaıdy. 

Material avtory

Dana Asylbekqyzy
Dana Asylbekqyzy Tіlshі